Frozen之前的風潮席捲全球，好多小朋友都為Anna同Elsa而瘋狂，所以最近香港迪士尼樂園就推出了一個以魔雪奇緣的主題套房，主題套房仲會包埋以魔雪奇緣的下午茶tea set ，房間內仲有部分精品可以俾住客攞走，一齊睇下主題套房仲有啲咩。
床上各有一隻Anna同Elsa的公仔，陪大家一齊入睡，而床頭仲有Anna同Elsa的肖像畫。
而酒店的沙發都經過特殊改造，變成基斯托夫的雪撬坐椅，令大家更加好似置身在卡通中一樣。
套房四周充滿《魔雪奇緣》主題色彩的裝飾同畫像，大家可以同Anna同Elsa影相。
而套房內的魔雪奇緣主題拖鞋、門卡、門掛等，都可以俾大家攞走作為紀念。
除了有歡迎小食外，房間仲會有一個遊玩區域，等父母可以同小朋友一齊玩遊戲。
如果唔夠的話住客仲可以免費到國賓廳會客室使用餐飲服務，包括有：雜錦甜點、麥片、水果、多款早餐熱食、前菜、小吃、啤酒同葡萄酒等等。
套房內仲有魔雪奇緣的個人用品包同拖鞋。為了歡迎客人，酒店仲會有歡迎小食，小食是以魔雪奇緣做主題的馬卡龍。
除此之外，入住套房的客人仲可以享用以魔雪奇緣為主題的下午茶Tea Set！
住客除了可以在套房內的遊玩區域玩board game之外，仲可以到酒店內的國賓廳參與兒童活動。酒店提供了多個手工藝活動俾大家參加，仲會有迪士尼朋友穿上睡衣同大家講「晚安」，演藝人員同大家講床前小故事添。
套房價錢每晚$7,000起，可供4人入住，有興趣的朋友仔可以上網預訂房間。<按此預訂>
港生活人氣好去處
【請您去旅行✈️🌎】
↓登記領取HK$1,500 旅遊資助金💰！↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
