元朗陸續都有不少食店開業,除元朗居民外,好多區外人都會特意入元朗「搵食」!元朗西餐廳「Darci by Aldou」最近推出下午茶放題優惠,$78就可以任食多款美食,包括班尼迪蛋、煙三文角牛油果包及窩夫甜品等,質素味道都屬中上,以$78來說可謂超值,大家不妨一試。
元朗西餐廳Darci by Aldou推出$78下午茶放題優惠。
任食款式包括沙律、4款熱食、窩夫甜品、精選蛋糕/果撻及鮮果拼盤,種類唔算太多,不過食物質素不俗,熱食有驚喜。
西瓜香醋沙律,味道不過不失,但微酸可以解解膩,可當開胃菜。
小食有蜜糖雞翼拼薯條,薯條粗身啖啖薯蓉,雞翼入味嫩滑不會過鹹。
熱食首選煙肉班尼迪蛋鬆餅,班尼迪蛋在其他餐廳算是比較高單價的餐點,今次可以任食頗划算。
雞蛋熟度適中,做到流心效果!鬆餅底雖然未到鬆軟口感,但入口不韌易咬,推薦!
另有煙三文角牛油果意式包,相對成本較高,夠足料,意式包十分軟熟。
卡邦尼意粉是保守之選,奶味香濃但沒太大驚喜。
甜品方面,有藍莓雪糕窩夫及精選蛋糕/果撻,窩夫自家製,不過口感較厚實,不太推薦。
蛋糕由法國入口,水準不俗,當日所試的朱古力蛋糕味道濃郁不太甜,不錯!另外果撻亦可任食,款式視乎餐廳當日供應。
$78下午茶放題供應時間為星期一及星期三至五下午二時至四時,限時60分鐘,最後落單時間為完結前15分鐘,每次每枱最多選擇4款,另設加一服務費。
活動資訊
- 地址 元朗鳳攸南街9號好順利大廈地下60號
- 人均消費$51 - $100
- 開放時間星期一至五14:00-16:00(星期二休息)