【鑽石山好去處】荷里活廣場大型舊書義賣！$5減價區/小說$10/旅遊書$20
書展剛剛完結，書迷買夠書未呢？如果未夠喉的話，最近香港Aeon及香港世界宣明會就於鑽石山荷里活廣場舉辦大型舊書義賣活動，場內的書籍種類非常多，包括中、英文小說、兒童圖書、旅遊書、工具書、心靈勵志書籍等等，大部分書籍最平$10就買到，場內仲有一個$5減價區，書迷可以去尋寶，話唔定可以搵到心頭好！
深受香港人喜愛的旅遊書$20就買到一本，不只日本、台灣、韓國等地、歐洲各地的旅遊書都買到。
流行小說如哈利波特$20一本。
仲有人氣英文小說，都係$20一本。
兒童圖書、經典童話$10就買到。
伊索寓言一套3本都只係$10～
另外仲有好多種類，例如心靈勵志、語言書、工具書。
場內有一個$5減價區。
舊書義賣活動於7月26日至8月5日在鑽石山荷里活廣場舉行，有興趣記得去睇睇啦。
港生活人氣本地熱話
↓ 賞您香港書展2025電子門票📖 ↓
↓ 同一門票可入埋「零食世界」及「香港運動消閒博覽」↓
【送飛🎟️】蠟筆小新「玩轉！時空大冒險」互動體驗展！
↓2️⃣大新設展區✨│2米高小新立像／全新周邊精品／小新主題新餐單😍↓
