【奧運好去處】全港首個大型木製森林 識郁火車/1.5米高陀螺
爆旋陀螺一直都深得小朋友歡心，所以奧海城最近就以Stem Summer Camp夏令營為主題，舉辦了首個「爆旋陀螺小博士比賽」同以木製模型組成的歷奇森林的商場布置，歷奇森林由烏克蘭著名木製模型Ugears與奧海城攜手打造，大家去完木製森林探險亦可以到附近的爆旋陀螺期間限定店內買陀螺精品。
奧海城的歷奇森林為全港首個木製模型森林，場內有多個用木製成的大型裝置。
當中最吸晴的一定是識郁的大型木製火車。
現場仲有多個互動裝置可以俾小朋友玩同影相留念。
木製的夾萬造型十分精緻，大家需要扭中密碼夾萬先會打開。
鍾意刺激的小朋友可以試下場內的滑梯。
除此之外，大會亦設有Ugears Stem體驗區，區內有多款木製模型俾大家免費試玩，模型包括有火車、消防車、夾萬等等。
現場仲有識自己開合的電動木製花朵，超生動。
玩完大家仲可以行埋場內的期間限定店，將自己鍾意的木製模型帶回家。
商場另一邊則設有爆旋陀螺期間限定店，爆旋陀螺迷可以入手幾隻。
旁邊仲有爆旋陀螺比賽區，小朋友可以帶自己的陀螺來同別人一決高下。
上一層仲有爆旋陀螺學堂體驗日，小朋友可以自己組裝不同部分的爆旋陀螺並進行對戰。
-
著數報料
韓印紅 Han Yin Hong (北角店)
韓印紅明太子醬🕵️♀️ $45咋！
居然俾我喺韓印紅搵到明太子醬🤩,$45蚊咋!仲要有盒仔收藏,唔洗好似平時係壽司部買一盒兩條,用剩又要包嚟包去放雪櫃,seems like幾方便!(味道如何就唔知啦)其他蔬菜類都幾抵買,得閒都鍾意去韓印紅fing吓發掘偏門食材🫡~ 🙋🏻又嚟向神通廣大嘅大家求救,請問最尾幅圖個山藥,唔知可唔可以就咁磨成蓉拌蕎麥麵生食呢? #山藥#明太子醬#韓印紅
閱讀更多
-
香港攻略
黑龍拉麵
黑龍拉麵🔥 發哥都讚！
上環蘇杭街由日本師傅主理嘅黑龍拉麵,發哥周潤發都嚟食過,夠晒名氣~🤩🙌🏻私心最推期間限定山椒辛味噌拉麵,湯底濃厚味噌底加山椒粉,一入口先味噌醇厚甜香,之後山椒麻辣直衝鼻腔同舌頭,嗰種麻辣衝擊好過癮,麵條彈牙吸滿湯汁,叉燒半肥瘦自家製吸汁惹味!牛筋Black拉麵,湯底濃郁黑蒜油豚骨,牛筋炆到冧哂入口即化,膠質豐富黏嘴唇💋餃子同枝豆正常發揮👌🏻記得即場follow佢哋IG,即送炸雞一粒🍗 #社群共創攻略
閱讀更多
-
香港攻略
Honjo
上環新派日菜 🤯Fusion味驚喜🌟
上環HONJO,走新派日式居酒屋風格,用高質日本食材玩創意,賣相同味道都好有驚喜~🇯🇵Tasting Menu $498/pp,三款前菜､兩款刺身/壽司､一個主菜加甜品都勁出色,食完真係滿足到爆!👍🏻😋 🌟主菜龍蝦尾熱石鍋飯(+$138)係重點🦞同黑白大廚｢料理狂人｣聯乘 @ynnvook 🇰🇷店員即席加入醬油拌勻蒜香牛油飯､龍蝦尾､黑飛魚籽､照燒蘑菇､三文魚籽､蟹籽,麻油香爆發,龍蝦尾爽彈,飯粒吸滿汁超香! 前菜大推升級香蔥吞拿魚他他👍🏻配料豐富,包括吞拿魚腩粒､牛油果慕絲､三文魚籽､海膽､鵪鶉蛋黃同日式春卷皮,層次感超強!刺身必嗌柚子炙燒三文魚薄片清新有層次,柚子味噌配搭正到飛起🤤 另外兩款前菜都好唔錯,炙燒和牛薄片香辣惹味🔥粟米天婦羅炸漿薄脆內裡粟米粒多汁🌽升級刺身四款新鮮肥美,個人最愛肥美嘅三文魚同拖羅!🍣主菜香蔥烤黃雞外脆內嫩滑,配飯蒜香突出🍗 甜品黑芝麻焦糖燉蛋有驚喜!🤩芝麻味濃郁,面層薄脆焦糖配焦糖雪糕同紅豆平衡得好好;柚子雪葩清新解膩👌🏻想搵間創意同質素兼備嘅新派日式菜?咁一定要試吓Honjo! #社群共創攻略
閱讀更多
港生活人氣好去處
《U GO》請您去香港國際七人欖球賽！🏈
↓一齊感受欖球盛事嘅熾熱氣氛！❤️🔥↓
《U GO》請您睇《電競女孩》！
本地青春熱血鉅獻🌟全女班戰隊電競逆襲之戰🎮
假日好去處