最近VR遊戲廣受大眾歡迎，所以近日銅鑼灣希慎廣場趁住香港電競音樂節即將開鑼，就為大家率先帶來3款VR遊戲俾大家試玩。在廣場推出的3款VR遊戲包括講求音樂同節奏感的「動感節拍決戰」、驚險又刺激的「步步驚心」同可以一嘗打拳樂趣的「一拳成名」，如果遊戲玩得夠高分仲有獎品送添，一齊睇下有咩玩啦！
第1個遊戲需要大家行過獨木橋，攞起橋頭的蛋糕，再將它安全送回去。
畫面中的高樓大廈令大家好似置身在高空一樣，刺激感十足。
而第2個遊戲就需要大家跟隨音樂同畫面準確地打出直拳、左勾拳或者右勾拳等等。
有時遇到障礙物仲需要蹲低，非常考反應。
另外第3個遊戲就需要大家跟住音樂拍子，擊落由四方八面襲來的「紅」色同「藍」色能量球，非常考節奏感。
遊戲除了可以單人模式之外，亦都可以雙人對戰。
大家只需要下載Lee Gardens手機應用程式並成為會員就可以免費玩「步步驚心」同「一拳成名」，而且大會仲會送Starbucks買一送一優惠劵一張添。
而玩「動感節拍決戰」達到指定分數的參加者仲可以免費獲得之前大受歡迎的百味堂原味牛奶雪糕。
鍾意玩VR的朋友千祈唔好錯過啦！
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
