【太古新店】AEON$12店登陸太古！2700呎新店+6500款筍貨任揀
AEON Living PLAZA $12店開完一間又一間，繼早前馬鞍山及九龍灣新店後，今次$12店登陸太古康怡廣場，今次新店面積2700呎，店內有多達6500款商品，家居用品、個人護理用品、精品文具一應俱全，以後想買到又平又實用的筍貨又多一個選擇啦！
太古$12店內有多款卡通款式用品，推介Sanrio系列的Hello Kitty及My Melody卸妝濕紙巾，卸妝濕紙巾日本製造，而且免沖洗，又靚又好用！
鍾意Sanrio的可以睇埋Hello Kitty潔臉起泡器及其他家居用品。
4款迪士尼公主信紙信封都好靚，唔寫信用嚟普通記事都得。
迪士尼米奇米妮、毛毛、小熊維尼的商品都有，當中包括食物盒、家居用品、文具等等～
就連白雪公主入面7個小矮人造型的園藝用品都有，好少見！
除了卡通款式之外，店內亦有好多又平又實用的商品，心水推介LED枱燈，細細個好用又方便。
迷你收納盒設計好靚，最啱送禮物俾朋友的時候用～
平時放工想Relax下可以平平地買包浴鹽用。
仲有洗臉乳液、去黑頭膏，啱晒貪靚又想儲錢的女仔。
就開學，學生可以睇睇日系文具筆袋。
經過可以去尋寶啦～
-
著數報料
韓印紅 Han Yin Hong (北角店)
韓印紅明太子醬🕵️♀️ $45咋！
居然俾我喺韓印紅搵到明太子醬🤩,$45蚊咋!仲要有盒仔收藏,唔洗好似平時係壽司部買一盒兩條,用剩又要包嚟包去放雪櫃,seems like幾方便!(味道如何就唔知啦)其他蔬菜類都幾抵買,得閒都鍾意去韓印紅fing吓發掘偏門食材🫡~ 🙋🏻又嚟向神通廣大嘅大家求救,請問最尾幅圖個山藥,唔知可唔可以就咁磨成蓉拌蕎麥麵生食呢? #山藥#明太子醬#韓印紅
閱讀更多
-
香港攻略
黑龍拉麵
黑龍拉麵🔥 發哥都讚！
上環蘇杭街由日本師傅主理嘅黑龍拉麵,發哥周潤發都嚟食過,夠晒名氣~🤩🙌🏻私心最推期間限定山椒辛味噌拉麵,湯底濃厚味噌底加山椒粉,一入口先味噌醇厚甜香,之後山椒麻辣直衝鼻腔同舌頭,嗰種麻辣衝擊好過癮,麵條彈牙吸滿湯汁,叉燒半肥瘦自家製吸汁惹味!牛筋Black拉麵,湯底濃郁黑蒜油豚骨,牛筋炆到冧哂入口即化,膠質豐富黏嘴唇💋餃子同枝豆正常發揮👌🏻記得即場follow佢哋IG,即送炸雞一粒🍗 #社群共創攻略
閱讀更多
-
香港攻略
Honjo
上環新派日菜 🤯Fusion味驚喜🌟
上環HONJO,走新派日式居酒屋風格,用高質日本食材玩創意,賣相同味道都好有驚喜~🇯🇵Tasting Menu $498/pp,三款前菜､兩款刺身/壽司､一個主菜加甜品都勁出色,食完真係滿足到爆!👍🏻😋 🌟主菜龍蝦尾熱石鍋飯(+$138)係重點🦞同黑白大廚｢料理狂人｣聯乘 @ynnvook 🇰🇷店員即席加入醬油拌勻蒜香牛油飯､龍蝦尾､黑飛魚籽､照燒蘑菇､三文魚籽､蟹籽,麻油香爆發,龍蝦尾爽彈,飯粒吸滿汁超香! 前菜大推升級香蔥吞拿魚他他👍🏻配料豐富,包括吞拿魚腩粒､牛油果慕絲､三文魚籽､海膽､鵪鶉蛋黃同日式春卷皮,層次感超強!刺身必嗌柚子炙燒三文魚薄片清新有層次,柚子味噌配搭正到飛起🤤 另外兩款前菜都好唔錯,炙燒和牛薄片香辣惹味🔥粟米天婦羅炸漿薄脆內裡粟米粒多汁🌽升級刺身四款新鮮肥美,個人最愛肥美嘅三文魚同拖羅!🍣主菜香蔥烤黃雞外脆內嫩滑,配飯蒜香突出🍗 甜品黑芝麻焦糖燉蛋有驚喜!🤩芝麻味濃郁,面層薄脆焦糖配焦糖雪糕同紅豆平衡得好好;柚子雪葩清新解膩👌🏻想搵間創意同質素兼備嘅新派日式菜?咁一定要試吓Honjo! #社群共創攻略
閱讀更多
港生活人氣本地熱話
《U GO》請您去香港國際七人欖球賽！🏈
↓一齊感受欖球盛事嘅熾熱氣氛！❤️🔥↓
【免費送🎁】Cetaphil舒特膚高效清爽低敏防曬啫喱☀️
↓ 無油啫喱質感清爽不黏笠💧立即登記 ↓
假日好去處