【藍田美食】啟田美食街正式開幕 試勻台灣蚵仔麵線/咖啡豬手/麻辣雞翼尖
位於藍田的啟田市場以全新面貌開幕，啟田美食街以英倫風為設計主題，外圍設有小食街，食品種類包羅萬有，而且大部份小食店會營業至凌晨2點，各位夜歸的朋友又多一個宵夜選擇啦！
藍田啟田市場重新開幕，化身美食街，大部份小食店營業至凌晨2點，住藍田的朋友宵夜有多個選擇喇！
1. 台灣人
這間小店由台灣人主理，因此大家可以試到地道的台灣小食，如有魯肉飯、麻辣牛肉麵及刈包等。
蚵仔大腸麵線 ($25)
招牌刈包 ($20)
會灑上滿滿的花生粉，食落十分香口。
2. 豆腐時代
主打製造特色豆腐製品，如豆漿、豆花、涼粉、豆腐沙冰等。豆腐花除了原味外，還有紅豆，更可以加上芋圓鮮果、薑汁和紫米露。其他推介有琵琶豆腐、一口豆腐、滷水豆腐。飯麵湯類則可以選擇麻婆豆腐飯、泡菜豆腐湯、豆腐肉燥飯等。
煎豆腐都是即叫即製，保證熱辣辣。
煎魚肉豆腐 ($4/件；$12/4件)
師傅建議加上豆瓣醬。
芝麻豆腐花，上面加上芋圓。($12+$4芋圓)
飲品方面有朱古力豆腐沙冰、抹茶豆腐沙冰。($12)
3. 皇后餃子
除了有熱賣的七款餡料，如鮮肉香菇芹菜、鮮肉韮菜、鮮肉芝士玉米、鮮肉芫茜等，更推出了全新口味的翡翠素餃及京蔥牛肉餃。食餃子時有個小貼士，可以加上店家自家製的辣菜莆，食落更加惹味。此外，大家還可以買生餃子回家自己煮，同樣好味道。
餃子都是即叫即製，每日新鮮製造，餃子迷又怎可以錯過呢！
各款煎餃，有多款口味。($10/3隻)
鮮肉韮菜餃。
芝士粟米餃。
早餐或下午茶的選擇方面，大家可以一試秶飯、炒麵、家鄉狗仔粉、日本讚崎雞絲冷烏冬等。
4. 燒賣王子
燒賣王子主打自家手工燒賣及各款港式小食。自家製手工燒賣每日新鮮現包，質感軟糯。
自家手工製燒賣 ($15)
燒賣大大粒，口感軟腍，皮薄魚肉味香。
另有自家製碗仔翅、生菜魚肉、酥炸鯪魚球、皇牌煎釀三寶、惡魔炸雞脾、鐵板豉油王炒麵、家鄉炒米粉等。
炸雞脾大過手掌。($20)
鐵板豉油王炒麵 ($15)
吃的時候當然要加上甜醬。
5. 麗港滷鵝
主打潮州滷水小食，最有名的便是「咖啡豬手」。另外也有潮州凍魚、潮州蠔餅、潮州滷水鵝、滷水鴨、鵝片等，是晚餐加餸之選。
原隻咖啡豬手 ($70)
豬手肉質軟腍，聞落有咖啡味，但食落咖啡味不算突出，建議蘸上店家韶製的醬汁，酸酸地好好食！
6. 真味皇
真味皇提供各類港式點心小吃，如潮州粉果、香滑腸粉、秘制滷水小食等。推介金牌火鴨絲碗仔翅、金牌火鴨湯底魚肉湯，亦有大魚蛋、炸金蛋、牙籤雞、鐵板炒米粉等足料燉湯方面，有藥燉排骨湯、蟲草花燉竹絲雞，冬瓜燉老鴨湯，猴頭菇燉豬展湯，懷杞螺頭燉雞湯，款式會因應每星期作不同的變動。
最有特色的便是汕尾小食牙籤雞，即叫即炸。
牙籤雞皮有粒粒脆米，香脆可口。
金牌火鴨絲碗仔翅
麻辣燙
涼麵
足料燉湯方面，有藥燉排骨湯、蟲草花燉竹絲雞湯，冬瓜燉老鴨湯，猴頭菇燉豬展湯，懷杞螺頭燉雞湯，款式會因應每星期作不同的變動。
7. 燒洒一族
主打西式燒烤及養生酒醉小食。酒醉小食值得推介，用十幾種香料烚熟後，再用杞子、花雕酒、鹵糟浸泡而成，非常入味。而酒醉溏心蛋、雞翼尖、熏蹄等，十分受街坊歡迎。
酒醉雞翼尖
麻辣雞翼尖
酒醉溏心蛋
另外有即將開幕食店──特色車仔麵店及新派甜品店，大家可以期待一下。
除了美食，啟田市場的週五、六晚更安排年輕樂隊和歌手助陣，為大家表演街頭音樂，週六下午則有魔術表演，大家可以邊食邊欣賞表演，不失為掃街宵夜休憩匯集的好去處。
活動資訊
- 地址 九龍觀塘藍田啟田道 50 號啟田商場地下
- 人均消費$51 - $100
港生活人氣本地熱話
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
