【銅鑼灣美食】台灣茶飲店「幸福堂」正式登陸香港 率先試手炒黑糖珍珠鮮奶
曾創下當日銷售超過6000杯紀錄的台灣過江龍「幸福堂」銅鑼灣店今日開幕！招牌黑糖珍珠標榜無添加防腐劑及色素，堅持全以人手炒煮，加以全台灣首創的古法灸燒黑糖粉，使黑糖香氣更濃郁，在台灣大受歡迎，就等小編實測一下銅鑼灣店的水準啦！
台灣茶飲店接連進駐香港，以後想試想台灣地道飲品，係香港就飲到喇！
「幸福堂」銅鑼灣店今日開幕！
以人手炒煮黑糖珍珠和台灣首創的古法灸燒黑糖粉在台灣打出名堂，今次進駐香港相信吸引到不少香港人一試。
率先睇定價，和其他茶飲店價錢相若。
黑糖珍珠鮮奶（$30）
經人手炒煮後的黑糖珍珠加入鮮奶、奶蓋，再灑上黑糖粉炙燒。
幸福紋夠靚，不過記得拌勻再飲，負責人教路，拌18下就最完美喇~
水母勇闖大海洋（$28），用梳打製成。
加入可食用閃粉，攪拌時最清晰，打卡一流！
喝掉優綠（$25）
沉底的是乳酪，有雙重味道。
一顆葡葡柚鮮榨茶（$30）
抹茶珍珠鮮奶（$28）
珍珠用士多啤梨製成，不過味道不突出。
芒著蹦蹦跳（$38），一般會配有兔子啫喱。
用新鮮芒果製，每日由台灣空運到港！
限定兼限量，芒果愛好者要留意！
不得不提店內獨有的「籤詩櫃」，只要在店內消費便可抽一支愛情籤詩籤，總共有100支籤對著100張不同的幸福愛情詩籤，抽中籤王還可免費獲得一杯飲品！
活動資訊
- 地址 銅鑼灣渣甸街36號5號舖
- 人均消費$50或以下
港生活人氣本地熱話
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
↓【招募試食員🐱】送Harlow Blend全新貓糧系列！↓
