正在閱讀
【深水埗美食】茶餐廳推下午茶放題 $68任食燒肉/叉燒/油雞/燒鴨/燒排骨

【深水埗美食】茶餐廳推下午茶放題 $68任食燒肉/叉燒/油雞/燒鴨/燒排骨

2018.09.09

茶餐廳唔一定只有常餐或碟頭飯,原來亦有放題食!在深水埗基隆街開業20年的「快靚正燒味粉麵茶餐廳」,最近搞搞新意思,推出燒味放題優惠,限時內可以任食燒肉、叉燒、油雞、燒鵝等,同時白飯粉麵都可任食,大胃王可以試試!

「快靚正燒味粉麵茶餐廳」在深水埗已經開業20年,累積了不少街坊熟客。

茶餐廳主打各式燒味,老闆堅持每日自家醃製,新鮮燒好不會留過夜。

燒味放題$68,由10/9起大約做到十月尾,只限星期一至五14:30-18:30(公眾假期/中秋節會暫停放題),最後下單時間為17:30,一小時內可以任食各款燒味及白飯粉麵,附送一杯飲品。

$68放題任食燒味包括燒肉、叉燒、油雞、切雞、燒鴨及燒排骨,款式種類多,建議大家先點個拼盤再續樣追加。

推薦燒肉,外皮卜卜脆,肥瘦適中。

叉燒軟腍,頗為香口,質素不錯!

燒鴨偏瘦,胸位略為嚡身,食落有鴨肉香。

油雞、切雞肉質嫩滑,味道不過不失。

燒排骨同樣香口,但建議鍾意啖啖肉的朋友可選叉燒。

放題每位附送一杯凍熱飲品/特飲,紅豆冰、涼粉冰等都可以選擇,其後追加飲品每杯$5。

另外加$20即可升級放題,加碼任食燒鵝、乳豬、西多士及炒粉麵。

乳豬皮薄香脆,燒鵝十分肥美。

$68放題中只有白飯、清湯粉麵可以任食,升級放題後,就可以任食揚州炒飯/雪菜鴨絲炆米/干燒伊麵。

連西多士亦可以任食!可以當飯後甜品~

餐廳希望大家食得盡興同時,不要浪費食物,如發現有浪費情況,餐廳將酌情收費。

食客亦要注意,燒味飽和脂肪含量及鈉含量偏高,食用時記得適可宜止,不要過量。

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠