【荃灣美食】日式餐廳引入新幹線壽司列車 $33玉子鰻魚飯/焦糖三文魚腩
荃灣食日本野又有多個抵食之選啦！日式餐廳「Magic Touch」以新幹線列車為主題，多款壽司選擇，仲會不定時推出新款壽司，抵食之餘都不失新鮮感。除了壽司和剌身外，都唔少得多款日式小食、丼飯定食等，下午茶時段更有$33溫泉玉子鰻魚飯！
荃灣依間以新幹線列車為主題的日式餐廳，多款壽司、丼飯定食、小食選擇。
以電子平板點餐後，壽司會經新幹線高速列車送到你面前，玩味十足！
溫泉玉子蒲燒鰻魚丼套餐 (下午茶時段$33)
丼飯鋪滿鰻魚，仲有溫泉蛋，流心好吸引！
鰻魚雖較薄身，但肉質頗為肥美，配上鰻魚汁好滋味。
套餐附送味噌湯，有三文魚、豆腐，好足料！
下午茶時段為星期一至日2:30pm至5:30pm，仲有$28牛肉丼定食等選擇。
極上海鮮丼飯套餐 (午市時段$98)
有三文魚、帶子、生蝦、赤貝和飛魚籽，同樣附送三文魚味噌湯。
款款魚生都肥美新鮮！
午市時段為星期一至五11:30am至5:30pm，另有$39牛肉烏冬定食、$48吉列豬扒烏冬定食等。
除了多款抵時定食套餐之選外，壽司種類選擇都好多，部分更是其他日式壽店少見的款式！
心水推介，焦糖三文魚腩壽司($14)，挪威三文魚配上焦糖醬，香甜肥美！
燒霜吞拿魚壽司($16)，肉質厚實。
火炙特長星鰻壽司($16)，長達20cm左右，分量十足。
厚切油甘魚壽司($14)，味道甘甜，啖啖油香。
紫鳥貝壽司($12)是普遍壽司店較少見的魚生，比赤貝更爽口。
海老三點盛($28)，有齊甜蝦、生蝦、和熟蝦。
海膽壽司($30)，選用韓國海膽，味道甘香。
三色迷你花之戀($30)，分別捲著黃金墨魚、飛魚籽蟹棒沙律和山葵八爪魚。
另外又點少得日式小食。
炸軟殼蟹($39)，好香脆，食落啖啖肉，還有蟹膏。
日本吉列蠔($32)，外層酥脆，蠔肉好creamy。
蜜糖炸手羽($28)
凡消費滿$100就可以玩小遊戲，會有機會贏得泡芙或枝豆一份。
經過荃灣的朋友仔不妨去試下
荃灣分店：荃灣眾安街55號大鴻輝（荃灣）中心1樓1-03號舖
天水圍分店：天水圍天華路33號T Town North 2樓NG201及202號舖
活動資訊
- 地址 荃灣眾安街55號大鴻輝（荃灣）中心1樓1-03號舖
- 人均消費$51 - $100
- 開放時間上午11時半至下午10時半
- 電話2246 3900
-
深圳攻略
深圳必試💯 | 口味多到眼花撩亂🤤
深圳嘅bagel界話晒都要提一提呢間出名嘅Begl 🥯💛 口味選擇超多,每個都想試~bagel本身幾有咬口,好滿足! 我自己最鍾意嘅係蒜蓉奶油bagel🧄+藍莓芝士忌廉bagel🫐🧀,一鹹一甜,完美平衡😋 #深圳美食#Begl#bagellover#深圳打卡#社群共創攻略#深圳cafe推介#深圳美食#深圳攻略#UCreator#深圳探店#深圳打卡#深圳新店
閱讀更多
-
深圳攻略
華發冰雪世界
深圳冰雪體驗｜入門必試❄️👍
最近去咗深圳華發冰雪世界玩🎿~ 對於未試過滑雪､但又想知自己係咪真係鍾意嘅人嚟講,呢個地方真係一個幾低成本嘅選擇👍🏻 初學者建議可以上教練堂,或者搵個識滑雪嘅朋友帶你,學返啱嘅姿勢會安全又事半功倍｡ 對新手嚟講,成個體驗都幾有趣,玩完仲會有少少上癮😆❄️ #深圳攻略#UCreator#深圳探店#深圳打卡#社群共創攻略
閱讀更多
-
香港攻略
美麗華廣場
🌟霸王茶姬入駐美麗華！😍
🥤霸王茶姬(CHAGEE)已正式進駐尖沙咀美麗華廣場一期🫶🏻 飲品介紹推介👍🏻其熱門產品｢白霧紅塵｣是該店推薦的必飲款式之一｡ ｢白霧紅塵｣屬於大紅袍系列的原葉鮮奶茶,深受喜愛濃郁茶味的朋友歡迎｡ 🫖茶底特色:選用武夷大紅袍(大紅袍水仙)作為茶底,具有鮮明的炭焙火香與岩韻,口感醇厚綿長｡ ☕️口感表現:牛乳與茶湯平衡感佳,質地如絲絨般滑順,帶有內斂而持久的花香｡ 若覺得招牌｢伯牙絕弦｣味道較淡,此款是重茶味的首選｡ 📍地址:尖沙咀美麗華廣場一期地下 G31 號舖 營業時間:星期一至日 10:00 - 22:00 開業狀態:該店於 2026 年 2 月 13 日開始試業,並於 3 月正式開業｡ 🙌🏻線上點餐:可透過 CHAGEE HK 官方小程序 或 APP 預先下單以節省排隊時間｡ 新店優惠:新用戶註冊會員通常可獲贈新人禮券包(如指定飲品代金券或折扣👍🏻 #尖沙咀#白霧紅塵#霸王茶姬{{hket:campaign display="去新酒店staycation"}}{{/hket:campaign}}
閱讀更多
港生活人氣本地熱話
請您睇💚BILLIE EILISH 巡演(3D現場版)
↓將世巡HIT ME HARD AND SOFT嘅珍貴畫面搬上大銀幕🎞️↓
↓【請您去Staycation🏡！】↓
假日好去處