平日不時都會飲下茶食點心，但點心放題又試過未呢？中環「優點心」主打多款新派特色點心，最近更推出$88點心放題，可以任食十幾款點心，款式與一般茶樓所見不同，充滿特色。另外，仲有串燒、甜品、特飲無限量任叫！而家率先同大家直擊放題有咩食啦～
中環「優點心」餐廳新推出點心放題，可以任食多款特色點心。
櫻花水晶蝦餃，大大粒，鋪滿櫻花蝦，好足料！
魚子桃膠鮮蝦燒賣，魚子多到滿瀉，魚仔造型的魚蛋都好得意。
人參上湯小籠包，皮薄多肉汁。
紫薯玫瑰卷，外型好精緻，散發淡淡紫薯香。
星星馬拉盞，新鮮出爐，口感好鬆軟。
七味炸雞翼，辣辣地夠惹味。
唔只有點心，仲可以任食串燒，有雞肉、牛肉、豬肉等，都係即叫即燒！
另外，除了有幾款蒸飯任食之外，其中照燒木魚花鰻魚飯，大大條鰻魚好吸引。
甜品方面，推介抹茶紫薯餅，外脆內軟～
養顏紅棗糕，心形造型很特別。
食點心當然要飲茶，玫瑰伯爵茶都可以任添，可以消滯解膩。
有興趣的朋友，記住必須先電話預約。
點心放題只限星期一至六，限時90分鐘，分兩個時段收費 :
下午3時至6時：$88/位
下午6時至9時半：$108/位
每次落單可以叫多於一款食物，但食剩有可能要原價收費，食得晒先好嗌，唔好浪費食物～
活動資訊
- 地址 中環蘭桂坊和安里6號地鋪
- 人均消費$101 - $200
- 開放時間星期一至五上午11時至下午10時；星期六上午11時至凌晨12時
- 電話25129128
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
