【尖沙咀美食】2500呎榴槤樂園尖沙咀開業 歎榴槤芝士撻/貓山王奶蓋/即開榴槤
鍾意食榴槤的朋友仔注意啦！尖沙咀最近新開榴槤主題專門店「榴槤樂園」，佔地2500呎，樓高2層，café營業模式俾顧客們慢慢細味榴槤。店內出售由馬來西亞直送的三種榴槤包括D24、XO及貓山王，均是自家果園種植，保證在香港一年四季都可以歎到榴槤！除了有原個榴槤出售外，仲有推出榴槤芝士撻、貓山王奶蓋等甜品及飲品，榴槤控又多個地方歎榴槤啦～
榴槤樂園佔地2500呎，地址位於尖沙咀金巴利道，內裏裝潢玩味十足，仲有不少影相位。
三款榴槤包括貓山王、XO及D24，都是由馬來西亞自家果園種植，空運直送到港！
榴槤可以買走之外，顧客都可以坐底慢慢歎原個即開榴槤，粒粒果肉飽滿。
除了有原個榴槤出售外，兩款榴槤主題甜品都好吸引～
榴槤芝士撻，新鮮出爐，芝士仲會流心，散發啖啖榴槤香味！($25)
招牌榴槤芝士蛋糕，口感冰涼香滑，食到絲絲果肉。($48)
另外推介兩款榴槤主題特飲！
啖啖貓山王奶蓋，茉莉茶加上榴槤芝士奶蓋，加添一匙貓山王果肉。奶蓋入口香滑，啖啖榴槤味。($68)
另一款頂級貓山王奶茶，大匙貓山王果肉配上珍珠奶茶調製，榴槤味濃郁，唔單止食到珍外，仲飲到不少果肉添！($58)
唔食榴槤的朋友，就可以試試焦糖布丁奶凍，有珍珠、布丁、牛奶沙冰，口感豐富！($38)
榴槤迷不妨去歎下，滿足榴槤癮啦～
活動資訊
- 地址 尖沙咀金巴利道92號地下
- 人均消費$51 - $100
- 開放時間星期一至日下午2時至8時
-
著數報料
韓印紅 Han Yin Hong (北角店)
韓印紅明太子醬🕵️♀️ $45咋！
居然俾我喺韓印紅搵到明太子醬🤩,$45蚊咋!仲要有盒仔收藏,唔洗好似平時係壽司部買一盒兩條,用剩又要包嚟包去放雪櫃,seems like幾方便!(味道如何就唔知啦)其他蔬菜類都幾抵買,得閒都鍾意去韓印紅fing吓發掘偏門食材🫡~ 🙋🏻又嚟向神通廣大嘅大家求救,請問最尾幅圖個山藥,唔知可唔可以就咁磨成蓉拌蕎麥麵生食呢? #山藥#明太子醬#韓印紅
閱讀更多
-
香港攻略
黑龍拉麵
黑龍拉麵🔥 發哥都讚！
上環蘇杭街由日本師傅主理嘅黑龍拉麵,發哥周潤發都嚟食過,夠晒名氣~🤩🙌🏻私心最推期間限定山椒辛味噌拉麵,湯底濃厚味噌底加山椒粉,一入口先味噌醇厚甜香,之後山椒麻辣直衝鼻腔同舌頭,嗰種麻辣衝擊好過癮,麵條彈牙吸滿湯汁,叉燒半肥瘦自家製吸汁惹味!牛筋Black拉麵,湯底濃郁黑蒜油豚骨,牛筋炆到冧哂入口即化,膠質豐富黏嘴唇💋餃子同枝豆正常發揮👌🏻記得即場follow佢哋IG,即送炸雞一粒🍗 #社群共創攻略
閱讀更多
-
香港攻略
Honjo
上環新派日菜 🤯Fusion味驚喜🌟
上環HONJO,走新派日式居酒屋風格,用高質日本食材玩創意,賣相同味道都好有驚喜~🇯🇵Tasting Menu $498/pp,三款前菜､兩款刺身/壽司､一個主菜加甜品都勁出色,食完真係滿足到爆!👍🏻😋 🌟主菜龍蝦尾熱石鍋飯(+$138)係重點🦞同黑白大廚｢料理狂人｣聯乘 @ynnvook 🇰🇷店員即席加入醬油拌勻蒜香牛油飯､龍蝦尾､黑飛魚籽､照燒蘑菇､三文魚籽､蟹籽,麻油香爆發,龍蝦尾爽彈,飯粒吸滿汁超香! 前菜大推升級香蔥吞拿魚他他👍🏻配料豐富,包括吞拿魚腩粒､牛油果慕絲､三文魚籽､海膽､鵪鶉蛋黃同日式春卷皮,層次感超強!刺身必嗌柚子炙燒三文魚薄片清新有層次,柚子味噌配搭正到飛起🤤 另外兩款前菜都好唔錯,炙燒和牛薄片香辣惹味🔥粟米天婦羅炸漿薄脆內裡粟米粒多汁🌽升級刺身四款新鮮肥美,個人最愛肥美嘅三文魚同拖羅!🍣主菜香蔥烤黃雞外脆內嫩滑,配飯蒜香突出🍗 甜品黑芝麻焦糖燉蛋有驚喜!🤩芝麻味濃郁,面層薄脆焦糖配焦糖雪糕同紅豆平衡得好好;柚子雪葩清新解膩👌🏻想搵間創意同質素兼備嘅新派日式菜?咁一定要試吓Honjo! #社群共創攻略
閱讀更多
港生活人氣本地熱話
《U GO》請您睇《電影教場：驪歌》！
木村拓哉率領豪華陣容回歸👮♂️直擊風間公親最嚴苛試煉⚔️
【免費送🎁】Cetaphil舒特膚高效清爽低敏防曬啫喱☀️
↓ 無油啫喱質感清爽不黏笠💧立即登記 ↓
假日好去處