近年大受歡迎的梳乎蛋登陸澳門！南灣．雅文湖畔即將就舉行《銀娛呈獻：梳乎蛋在澳門》，現場有多個以梳乎蛋為主題的影相位，仲有隻10米高的巨型梳乎蛋充氣公仔，大家可以瘋狂同梳乎蛋影靚相。除此之外，現場仲有多款澳門小食及攤位遊戲可以玩，活動費用全免，鍾意梳乎蛋的朋友可以去澳門玩返轉！
大大隻10米高的巨型梳乎蛋充氣公仔會出沒在悅畔灣旁的大浮台，非常搶眼。
現場有多個梳乎蛋同澳門美食相關的造型，梳乎蛋一時變身富有葡國服飾風情的船夫，一時化身成點心師傅，造型搞鬼。
澳門的人氣美食豬扒包一樣有，梳乎蛋夾在豬扒包內好可愛！
梳乎蛋亦變身葡撻同大家打見面。
仲有瞓在巨型杏仁餅上的造型，搞笑又趣怪，全部影相位都好有澳門特色。
松山炮台及燈塔後的煙花匯演下，亦可發現梳乎蛋踪影，細心就會留意到梳乎蛋輕輕鬆鬆坐在蛋殼上放空。
今次活動亦聯乘香港品牌 Gusteau’s 及澳門東望洋餅店，推出多款可愛餐點，全部印有梳乎蛋的得意嘜頭。
有「馬介休梳乎蛋香腸」、「至 Hea 水果蛋糕」、 「輕輕鬆鬆提拉米蘇」及「懶洋洋蛋撻」等等。
現場仲有梳乎蛋精品可以買，包括文件、夾公仔、便利貼等等，部分精品仲係首次開賣添，粉絲們千祈唔好錯過啦！
場內仲有主題攤位遊戲，＄20一局＄50兩局，贏咗仲會有梳乎蛋精品送添。
想去就要記得Mark實日子啦！
活動資訊
- 日期2018年10月6日 - 2018年11月4日
- 地址 澳門南灣雅文湖畔
- 人均消費免費
- 開放時間星期一至四：4pm-9pm／星期五至日：11am-9pm*10 米高充氣梳乎蛋展覽時間：9am-9pm)
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
