想必大家一定有食過街頭小食的雞蛋仔，但除了原味，仲有好多特別口味都好好食！近日「恒發雞蛋仔」新推出兩款秋冬限定鹹口味雞蛋仔，仲有街坊人氣之選的鮮榴槤夾心及芋頭泥夾心雞蛋仔，款款都真材實料，超多餡！
人氣「恒發雞蛋仔」最近又有新搞作啦！
店主每天都會購買新鮮金枕頭及貓山王，逐粒拆下榴槤果肉，整成果蓉做餡，真材實料！
新鮮榴槤夾心雞蛋仔($38)及貓山王雞蛋仔($50)，粒粒雞蛋仔都食到榴槤果蓉，榴槤味濃郁！
另一個人氣之選－芋頭泥夾心雞蛋仔($25)，啖啖都食到芋泥，口感香滑。
踏入秋天，老闆娘近日特別新研發兩款秋冬限定鹹香口味！
臘腸芝士雞蛋仔($35)，用臘腸及潤腸加上芝士，味道好夾，陣陣鹹香味～
另一款口味，食落味道特別，老闆娘特以名為「百感交集」雞蛋仔($30)，
有明太子、粟米、五香肉丁、蟹柳絲等及特製辣醬，小小辣，幾惹味～
鐘意食雞蛋仔的朋友，快啲試下新口味啦～
地址:
觀塘協和街177號｜營業時間10am - 11pm
九龍城衙前圍道64號曉逸軒地下1號舖｜營業時間11am - 11pm
鰂魚涌芬尼街2A號｜營業時間11am - 9pm
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
《社群狂歡大激賞》！送hellolulu最新系列袋款🎁！
