vivo X海洋公園哈囉喂2018 全新V11手機 AR捉鬼體驗！
萬聖節又到喇！今年海洋公園哈囉喂唔係一味靠恐怖、噁心嚇到你尖叫，因為鬼屋要全面升級，大玩高科技元素。好似手機品牌vivo今年踩入海洋公園哈囉喂，設計出以AR互動遊戲為主題嘅鬼屋「妖怪大捕手」，拎住夾有vivo新推出V11手機嘅弓箭喺鬼屋捉鬼，既驚嚇又緊張刺激，講起都想玩！一齊睇吓融合咗高科技嘅哈囉喂有幾正啦！
今年哈囉喂嘅重點推介，必定係呢間vivo手機呈獻嘅鬼屋，可以由日頭玩到夜晚，喺日場（下晝1點）會以「妖怪大捕手」同大家見面。鬼屋用咗AR（擴增實境技術 Augmented Reality）設計出多個互動遊戲場景，畀你化身驅魔師，捉走惡鬼！
入到鬼屋，職員會每人畀一把「古老滅魔神弓」大家拎住，弓箭夾住vivo新推出嘅手機V11，喺鬼屋捉鬼就靠晒部V11！
鬼屋分成6個場景，身為驅魔師嘅你行入每個場景都會要捉住突然撲出嚟嘅妖魔鬼怪。
點捉？首先拎起把「古老滅魔神弓」準備好作戰狀態，喺鬼屋內check吓邊度有鬼。嘩，一個唔留神，即刻有鬼怪係部V11內彈出嚟！呢個時候你要向鬼怪方向拉動弓箭捉鬼。
vivo V11採用全新升級Halo FullView™ Display水滴屏，6.41吋屏幕夠晒大，屏幕佔比達到91.27%，框邊只得1.76mm，用V11喺鬼屋玩AR捉鬼，啲妖魔鬼怪就好似喺四方八面、失驚無神咁彈出嚟，刺激度十足！左一隻妖魔、右面再嚟多隻鬼怪，喺短短幾分內不停拉弓捉鬼，真係緊張到出汗！
有無留意，喺鬼屋入面密集式捉鬼，部V11依然好流暢？因為V11喺打機功能上upgrade，又配備Qualcomm Snapdragon 660 AIE處理器，6GB RAM、128GB ROM嘅配置，提升系統嘅流暢度同埋遊戲運行速度。開埋V11嘅「遊戲模式」保證唔會LAG機，打機時好流順，超爽！
嚟到海洋公園哈囉喂，點可以唔瘋狂打卡影相，拎住vivo V11去影相就啱晒！
vivo V11嘅主鏡頭採用1200萬像素Dual Pixel (2400萬像感光單元) +500萬像素雙鏡頭設計，加埋1.28μm 單像素尺寸及F1.8大光圈，有專業單反相機上嘅雙核對焦技術，感光能力大增、對焦速度快至0.03s，每張相都好sharp好細緻！
喺烈日當空嘅海洋公園影相其實好高難度！vivo V11設有「AI逆光拍照」功能，幾猛太陽都唔怕！
V11實拍效果）V11有新升級嘅HDR技術，運用AI演算法，喺影相時截取多張照片合成，解決曝光不均衡問題，即使喺逆光、強光環境下都輕易影到靚相。
（V11實拍效果）V11嘅前置鏡頭擁有2500萬像素高清感測器，仲有少女們至愛嘅全新3D美顏技術，獨立對鼻、嘴、眼等進行美化，啱晒愛自拍嘅美少女，唔洗特別用美顏APP執相都已經影到靚相即時Upload上IG。無論前鏡頭自拍定後鏡頭影景都一樣咁靚！
（V11實拍效果）打卡靚相點會得咁少，用V11係海洋公園入面同Sanrio公仔自拍就啱晒！
鬼屋前有個好型嘅vivo攤位，果度有多個影相打卡位！
（V11實拍效果）頭先捉鬼唔夠落力，一於拉你去南瓜頭鍘！
（V11實拍效果）豬隊友掛住嗌唔幫手捉鬼？落油鑊啦！
vivo攤位仲有3款嘩鬼印水紙免費送畀大家！
有「大食鬼」、「貪靚鬼」同埋「懶鬼」，你又係咩鬼？
影相影到天都黑埋，啱喇！每日5:30pm後vivo呈獻嘅鬼屋就會大變身，變為恐佈「血祭地獄門」！
鬼屋以18層地獄為主題，有滾滾血池、勾舌刑場等恐怖多個惡怖場景，嚇到尖叫！
望真啲，其實鬼屋嘅設計勁有心思，一於影吓相留念先！
（V11實拍效果）V11嘅全新AI暗光演算法，喺瞬間影最多高達6幀嘅圖像，進行升級演算法合成，大大降低暗光環境嘅噪點，夜拍一樣成象清晰！
而家仲有3大vivo X 海洋公園哈囉喂2018優惠：
1. 由即日起至10月31日，購買任何vivo香港手機型號，即送海洋公園哈囉喂2018門票85折優惠券，每張優惠券最多可享4張門票折扣！
2. 由即日起至10月31日，購買vivo NEX後成功於網上登記，即送海洋公園日間門票（價值HK$480），門票數量有限，送完即止！
3.由即日起至10月24日，購買vivo V11後成功於網上登記，即可獲得海洋公園哈囉喂2018門票買一送一優惠券！
了解更多優惠詳情，即刻click入；
http://www.vivo.com/hk/zh/2018vivoxoceanparkcampaign
全新推出嘅vivo V11嘅星雲色採用紫藍色漸變效果，好fancy！
vivo V11手機採用6.41吋Halo FullView™ Display屏幕，配合水滴屏設計及只有1.76mm超窄身嘅邊框，令視野更廣闊！V11嘅AI後置雙鏡頭採用1200萬像素Dual Pixel+500萬像素雙鏡頭，加埋F1.8大光圈、專業單反相機上嘅雙核對焦技術，感光能力大增、對焦速度快至0.03s，每張相都清晰細緻！加埋AI逆光拍攝、AI暗光拍攝、AI場景識別、3D美顏功能，無論影人影景都一樣咁靚！
V11內置AI人像構圖功能，幫你解決構圖難題！可以根據當前情景中拍攝對象嘅位置，推薦最好嘅構圖方案，指導拍照者移動手機，輕鬆拍出完美構圖嘅靚相！
V11配備屏幕指紋解鎖技術，將指紋識別模組集成在屏幕下方，手指一觸便可解鎖，無需額外設置指紋感應器，解鎖又快又方便！
V11除咗有水滴屏同埋影相靚之外，仲有好多實用功能，最適合追求性價比嘅用家。V11備雙引擎快速充電，唔洗再慢慢等。加上V11係真正雙SIM卡手機，有3個卡槽，支援高達256GB外置記憶卡，瘋狂影相拍片都無問題！
vivo V11建議零售價HK$3,498
了解詳情：http://www.vivo.com/hk/zh/products/v11
資料由客戶提供
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓【✨ 勁送海洋公園門票 ✨】↓
一步登記拎飛～玩轉夏日大熊貓生日派對🐼🎂！
↓【限時搶⚡】莓果櫻花味軟糖↓
↓柔軟Q彈、補充營養↓
U GO 本週好去處
