【屯門好去處】屯門VR恐怖大屋！免費玩8間超驚嚇房間

「VR恐怖大屋」有8間驚嚇房間，主打5大驚慄PS VR遊戲，當中《瞳：祈願》主打東方恐怖風格，玩家利用燈籠「靈月盞」進行探索，睇到原本唔屬於呢個世界嘅事物同鬼魂。

另一個遊戲《靈界點》就喺由擁有穿越夢境能力的玩家，拯救去世女兒Daisy被困的靈魂，但卻逐漸陷入更大的陰謀。

《RESIDENT EVIL 7 biohazard Gold Edition》遊戲，玩家將置身荒廢礦場秘道，只能靠著本能亡命逃跑求生。

而《UNTIL DAWN: RUSH OF BLOOD》嘅玩家會被牢牢綁喺恐怖過山車上，大量敵人和怪物從四方八面襲來。

《KITCHEN》遊戲中，玩家會成為手腳被綑綁的受害者，眼睜睜等待未知的血腥與恐怖。一眾玩家挑戰後完成問卷將可獲得限量「屍人多樂」貼紙1張。

場內亦設「Halloween期間限定店」，大量萬聖節主題PS4遊戲可以免費試玩，詳情將於稍後公佈。大家意猶未盡嘅話仲可以即場將PlayStation®4、PlayStation®VR、各款恐怖遊戲及「屍人多樂」精品買返屋企繼續玩。

大家只要逢星期六、日及萬聖節(10月31日)下午3時至7時到訪主題樂園，有機會免費拍攝「PlayStation®‧Polaroid靈異照片」1張。數量有限，送完即止。另外，上載「靈異照片」至個人Instagram帳戶並加上「#PSVRhalloween」標籤，如被PlayStation® 評選為最陰森恐怖的照片，將有機會獲得PlayStation®VR或Polaroid OneStep Plus即影即有相機乙部。