【聖誕節2018】尖沙咀K11商場聖誕螢光遊樂埸 潑墨塗鴉牆/空中光環樹
最近尖沙咀K11商場趁聖誕節聯同由本地建築設計團隊 AaaM 同日本視覺與音樂藝術家津田翔平聯手打造的3大互動聖誕節遊樂裝置， 將尖沙咀K11商場變成色彩繽紛的藝術遊樂場。現場有互動的燈光、音樂動能感應為大家帶來衝擊，等市民可以體驗藝術同遊玩的樂趣，展覽中亦以鮮艷的顏色、光線、 聲音和動態影像展出多個展品，大家可以一邊欣賞一邊影靚相，大家可以趁聖誕節去尖沙咀K11睇吓。
只要同3個朋友同時一齊站在圓中向上跳，頭上的光圈就會立即閃個不停。
裝置由150 個空中光圈組成，帶來不同的燈光效果，令商場立即變得色彩繽紛。
商場仲有日本新進視覺和聲音藝術家津田翔平所舉辦的展覽，展覽利用鮮艷的顏色、光線、 聲音和動態影像，為大家帶來視覺同聽覺的衝擊，入場費$30。
大家亦可以同展品影靚相，以月亮為主題的展品非常吸睛。
當然仲有其他展品啦。
大家仲可以參加INK PLAYROOM ，等大家在畫板同牆壁上塗鴉， 加上現場 UV 燈光視覺效果，牆壁即刻變成螢光色，十分夢幻。
大家只要俾$150就可以體驗畫螢光塗鴉牆。
商場中庭仲有個大型「氹氹轉」同「潛望鏡」，裝置以香港獨有的霓虹色彩同水管風喉為靈感，別具香港特色。
除此之外大家仲可以去玩大型電子夾公仔機，扭蛋內有不同禮物，抽中咩就要睇大家運氣啦！
有興趣的朋友仔記得mark實時間影靚相啦。
港生活人氣好去處
↓【限時搶⚡】森源安睡足艾貼↓
↓吸走體內毒素｜改善血液循環 ↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
