聖誕節除了影燈飾之外,當然仲要行聖誕市集!CRECRA就邀請到中、港、台的手作品牌,帶來「CRE瀝卡啦聖誕精靈村」,有50多個手作攤檔及美食攤位,仲有6大聖誕工作坊、小型插畫展同音樂表演,有興趣記得今個周末,約埋朋友去玩啦!
市集集合了50個中、港、台的手作品牌,帶來過千件聖誕手作設計商品。未買聖誕禮物的朋友,可以趁今次機會慢慢尋寶,幫親友揀件最適合的手作禮物。
本次展覽雲集4大美食攤位,售賣多款特色小食,行完市集仲可以醫肚!
想動手做聖誕禮物一樣得,市集有6大聖誕工作坊,包括聖誕掛飾、藍曬聖誕卡、自助聖誕卡印章、親子糖霜曲奇、聖誕水果花及啫喱花等。
今次仲加入小型插畫作品展,展出本地插畫師以精靈村概念繪畫的作品,另有本地Busker帶來聖誕音樂表演。
想同朋友提早感受聖誕氣氛的話,就記得mark實日期地點啦!
↓【限時搶⚡】森源安睡足艾貼↓
↓吸走體內毒素|改善血液循環 ↓
↓【限時搶⚡】Stecco Natura意式雪條↓
↓免費意式雪條|杯裝意式雪糕買一送一↓