新蒲岡新手工麵包店「享樂烘焙」，麵包以日台口味為主，款式多達50款以上，有10年烘焙麵包的經驗90後店主Vincent會不時研發新款麵包和期間季節限定口味，爆餡流心雲呢拿麵包、芋泥Bagel、焦糖脆皮牛角包等都是熱賣口味。唔想成日食連鎖餅店的麵包，不妨Mark實地址，試試「享樂烘焙」每日新鮮製造的無添加手工麵包！
小店是麵包師傅 Vincent 和女朋友 Shuie 的心血結晶。Vincent 對於麵包製作非常有要求，用料嚴選日本鳥越麵粉、法國AOP認證的伊思妮牛油、北海道煉奶、日本星野赤種天然酵母等，即使成本較高亦在所不惜，只為大家能食到好味足料的麵包。
麵包店設有麵包工場，麵包每日新鮮出爐，傳來陣陣麵包香，而店員亦非常樂意向客人介紹各款特色麵包。
特濃抹茶忌廉包（$20）選用日本宇治小山園抹茶粉和北海道煉奶，抹茶味濃郁甘香。忌廉包凍食亦可，雪凍後抹茶忌廉口感像軟雪糕一樣，軟滑香甜，食時可加上抹茶煉奶。
伊思妮牛角包（$13） 酥皮摺疊成16層，層次分明，牛油味頗為突出，十分鬆化。
伊思妮士多啤梨牛角包 （$13）
黑白頌（$13）靈感源自店主小時候愛吃的芝麻糖，底層的芝麻焦糖脆底脆卜卜，好香口。
麵糰底部沾滿芝麻和糖。
麵包內捲了條牛油，焗後牛油溶化，中間形成一個小洞。
湯種藍莓芝士Bagel貝果（$15）湯種是日式麵包的製法，製作時會先將麵粉和熱水拌勻，製成的Bagel質感比歐式麵包更濕潤，即使隔日再食口感依然鬆軟煙韌。
Bagel內有原條忌廉芝士，非常足料。
湯種手工芋泥貝果 （$15）Bagel口感帶嚼勁，內有綿密微甜的手打芋蓉，有陣陣芋頭香。
抹茶紅豆麻糬QQ （$26） 麻糬包用上宇治小山園抹茶粉和北海道十勝紅豆。
特濃抹茶焦糖三角包 （$18） 麵包外層焦脆，內層濕潤軟綿，有濃濃抹茶回甘。
冰心麵包（$18） 麵包不一定要趁熱食，這款冰心麵包可以雪凍食，非常透心涼。冰心麵包是小店的熱賣款式之一，原本只是夏日限定口味，但反應太熱烈所以現在每日都會供應60個左右，麵包一掰開即有忌廉湧出，爆餡效果澎湃！
法國長棍麵包 （$25） 這款麵包在今年的新加坡麵包烘焙比賽中榮獲季軍，店主 Vincent 表示，法包成分簡單不花巧，只有麵粉、鹽、水和酵母，配搭簡單但其實好考功夫。
芝士煙雞肉法國長棍麵包 （$20） 麵包低溫發酵製成，有小麥的甘甜，跟鹹香惹味的芝士雞肉餡好夾。
活動資訊
- 地址 新蒲崗大有街3號萬迪廣場地下E舖
- 人均消費$50或以下
- 開放時間星期一至六 7am - 8pm；星期日及公眾假期 9am - 6:30pm
- 電話9227 2634
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
