【新蒲崗好去處】全港首間賽車Party Room！瀑布波波池/巨型層層疊/唱K打牌
聖誕節最適合就是同一大班朋友去Party Room開聖誕Party，新蒲崗最近就新開了一間有BEST POOL Party Room，除了有最基本的麻雀、board games 飛鏢之外，仲有實景迷你賽車、瀑布波波池同大型層層疊，聖誕節同朋友一齊去開聖誕派對都是一個不錯的選擇。
現場有個大型實景迷你賽車，每部賽車都設有鏡頭俾大家睇到駕駛時賽道的情況，張賽車椅仲識左右郁，好似置身在玩具賽車入面，十分刺激！
另外仲有個極地瀑布波波池，波波池入面啲波波比一般party room多，而且仲會不時噴出「瀑布」，倒出大量波波，啲波多到可以淹沒成個人！
除了這兩個主打的設施之外，另外亦有比較特別的L型桌球，更加考大家的入洞技巧，自問自己是桌球高手的朋友仔可以挑戰一吓。
仲有個加大版層層疊，玩落更加刺激。因為積木比平常的層層疊更大，戴埋頭盔玩就更安全啦。
嫌唔夠的可以唱埋K，K房是獨立玻璃空間，戴住耳機唱歌夠哂私隱。
除了呢啲重點遊樂設施，Party Room仲有board game、飛鏢、麻雀同Switch等。
場地費用每位$188/4小時，最少10位起，實時迷你賽車每小時$220(不限人數)，滿25位可以包場，仲包埋實景迷你賽車的費用添。每位加$20仲可以任飲party room內飲品。
12月的星期六日、聖誕節期間每人收費為238/4小時，加鐘$50/小時。
港生活人氣好去處
↓【限時搶⚡】送您NOVamber十一悦山茶花精萃 Q10 護心茶油丸↓
↓加強心臟營養，改善心臟機能↓
↓【限時搶⚡】勁賞⻁標SENSORIAL THERAPY精油乳液(薄荷)↓
↓舒爽呼吸，清新醒神｜舒緩壓力，提升專注力↓
