中環「AIA友邦歐陸嘉年華2018/2019」今日正式開幕啦！今年的AIA嘉年華將會由2018年12月14日至2019年2月17日舉行，除了有機動遊戲、攤位遊戲之外，今年仲有馬戲團雜技表演。入場收費方面，成人可以購買$130入場券包10個AIA嘉年華代幣或單買$50入場券；而兒童就可以買$90入場券包7個代幣或單買$50入場券。
今年AIA嘉年華現場照舊有多個攤位遊戲，勁送多款毛公仔。小編為大家精選了場內10大好玩吸引的攤位遊戲，仲簡單總結了難易度及贏公仔攻略，打算主攻攤位遊戲贏公仔的朋友去之前記得先睇睇中獎攻略懶人包啦！
1. 乒乓滾下
難易度：★☆☆☆☆
公仔吸引度：★★★★★ （Tsum Tsum)
玩法：將乒乓球滾入0-4分數字格內，4個乒乓球加埋中4分就有獎，容易控制，要得到高分唔難。
Tips:在中間位置細力推出乒乓球，盡量保持直線。
2.釣魚大師
難易度：★☆☆☆☆
公仔吸引度：★★☆☆☆
玩法：以釣竿釣魚，可以釣四次，但有時間限制。釣竿可以一次釣兩條魚，留意返魚嘅分數就好易中獎！
3.保齡球
難易度：★☆☆☆☆
公仔吸引度：★★★★★(小熊維尼)
玩法：用白波將保齡球擊倒。一球擊倒全部保齡樽即可獲得大獎；兩球可獲中獎，如此類推。
Tips：保齡球都幾重，不過大力啲就得！
4.彈弓
難易度：★★☆☆☆
公仔吸引度：★★★★☆(Angry Bird)
玩法：用彈弓把所有障礙物完全射出桌面，幾易控制。
5.飛鏢王
難易度：★★☆☆☆
公仔吸引度：★★☆☆☆
玩法：以飛鏢擊中不同啤牌，4支飛鏢擊中一張啤牌獲小獎，擊中兩張啤牌獲中獎，如此類推，但如果擊中啤牌的白邊不能獲獎。
評語：基本上4支飛鏢要中牌都唔難，但要留意如果2支飛鏢擊中同一張啤牌無獎。
6.投籃王
難易度：★★★☆☆
公仔吸引度：★★☆☆☆
玩法：將籃球投入籃內，入一至兩球有中獎，如此類推，入四球有特獎。
評語：玩法好簡單，但因為籃球架好高好遠，都要有比較用力先入到。
7.迷你圈圈有獎
難易度：★★★☆☆
公仔吸引度：★☆☆☆☆
玩法：以呼拉圈套住公仔所在位置，四個圈套中一個有中獎，套中三個就有特獎。留意要套埋公仔嘅座，建議由上而下拋會比較易中。
8.杯中物語
難易度：★★★★☆
公仔吸引度：★★★★★ （怪獸公司）
玩法：將白波擲入杯子中，中白杯沒有獎，中其他顏色杯就分別有小獎至特獎。
評語：頗難玩，個波好輕易彈走，入杯都難，入到有顏色的杯更難。
9.奶桶挑戰
難易度：★★★★☆
公仔吸引度：★★★☆☆（小飛象）
玩法：將球拋進牛奶樽內，拋入一至兩球可得小獎，如此類推。不過樽口較細，要入都有點難度。
10.木桶江山
難易度：★★★★☆
公仔吸引度：★★★★★（小熊維尼）
玩法：將白波擲入桶內，若球彈出桶外沒有獎，一球小獎，兩球中獎，如此類推。
Tips：拋物線形式出球，將球細細力向桶頂方向拋會較易入。
11.汽水圈
難易度：★★★★★
公仔吸引度：★★★★★ （巨型熊仔、巨型八哥）
玩法：套中汽水樽有特獎
評語：巨型公仔做獎品的遊戲果然更難玩，擲了好多個都唔中。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
【社群送禮】送您麒麟一番搾啤酒及「秋日和楓禮品套裝」！
↓感受浪漫氣氛，為秋日留下歡聚回憶！↓
