每逢年尾又係紅葉季！元朗大棠相信係不少人賞紅葉的勝地，但好多人往往去到先發現還未轉紅失望而回，以下就為大家介紹最新大棠紅葉情報！為方便市民睇紅葉，漁農署網站設有大欖郊野公園楓香林紅葉指數，等大家可以睇住紅葉幾時紅。
紅葉指數分為A：極紅、B：開始紅、C：黃、D：綠，總共4個等級，＞按此＜可查看。紅葉指數逢星期五都會更新一次，最新的紅葉指數（12月14日）係B - C級，表示楓香林樹葉已經變黃，部分更開始紅。如果想捕捉紅葉全盛期的朋友建議可以再等一等。
除咗睇紅葉之外，漁農署亦準備咗其他特備節目。12月2日至2019年1月6日，逢星期日及公眾假期上午10時30分至下午4時，都會有定點導賞、相片展覽以及攤位遊戲，大家不妨可以參加。
另外，12月22至23日上午10時至下午4時30分，大欖郊野公園大棠燒烤地點一號場更會一連兩日舉辦「大棠‧賞玩嘉年華」，內容包括各類工作坊、攤位遊戲及音樂表演，適合一家大小一齊參加。提提大家，嘉年華活動即場參加，費用全免，但部分活動名額有限，須於指定時間即場報名，額滿即止。更多詳情可＞按此＜。
交通方面，除咗係元朗搭港鐵巴士K66號或紅色小巴，到大棠山道巴士總站外，九巴於12月22、23、25及26日上午8:30（元朗開出）至下午6:30（大棠開出）會安排特別巴士路線68R來往元朗形點交通交匯處至大棠山道。
資料及相片來源：漁農署 & FB@郊野公園教育活動計劃 Country Parks Education Programmes
活動資訊
- 地址 元朗大棠山道大欖郊野公園楓香林
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
