【元朗好去處】元朗大棠紅葉漸紅!最新紅葉情報/免費嘉年華/攤位遊戲

文: Eunice Lam
2018.12.20

每逢年尾又係紅葉季!元朗大棠相信係不少人賞紅葉的勝地,但好多人往往去到先發現還未轉紅失望而回,以下就為大家介紹最新大棠紅葉情報!為方便市民睇紅葉,漁農署網站設有大欖郊野公園楓香林紅葉指數,等大家可以睇住紅葉幾時紅。

紅葉指數分為A:極紅、B:開始紅、C:黃、D:綠,總共4個等級,>按此<可查看。紅葉指數逢星期五都會更新一次,最新的紅葉指數(12月14日)係B - C級,表示楓香林樹葉已經變黃,部分更開始紅。如果想捕捉紅葉全盛期的朋友建議可以再等一等。


除咗睇紅葉之外,漁農署亦準備咗其他特備節目。12月2日至2019年1月6日,逢星期日及公眾假期上午10時30分至下午4時,都會有定點導賞、相片展覽以及攤位遊戲,大家不妨可以參加。



另外,12月22至23日上午10時至下午4時30分,大欖郊野公園大棠燒烤地點一號場更會一連兩日舉辦「大棠‧賞玩嘉年華」,內容包括各類工作坊、攤位遊戲及音樂表演,適合一家大小一齊參加。提提大家,嘉年華活動即場參加,費用全免,但部分活動名額有限,須於指定時間即場報名,額滿即止。更多詳情可>按此<。



交通方面,除咗係元朗搭港鐵巴士K66號或紅色小巴,到大棠山道巴士總站外,九巴於12月22、23、25及26日上午8:30(元朗開出)至下午6:30(大棠開出)會安排特別巴士路線68R來往元朗形點交通交匯處至大棠山道。

活動資訊

  • 地址 元朗大棠山道大欖郊野公園楓香林

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【全城招募120隻毛孩】試用腳掌潔護SPA泡泡!↓

↓登記攞禮物番屋企↓

↓登記攞禮物番屋企↓