【聖誕節2018】龍珠展香港站率先睇 角色雕像/7大互動遊戲/地址+門票詳情
召喚所有龍珠迷！今個聖誕《龍珠》即將降臨香港，在數碼港舉行全球首個超大型「龍珠超-體感互動藝術展」香港站，佔地超過2.5萬呎的展館，將會展出各龍珠角色的1:1大雕像，仲有經典場景影相位和7大互動遊戲，可以一同參與最強撒亞人之間的決鬥。展覽仲特設期間限定店，售賣多款獨家限定精品，龍珠迷記得mark實日期地址啦！
「龍珠超-體感互動藝術展」三層展館佔地共超過2.5萬呎，共分為3個展區，更會加入光影投射及體感的互動技術，將《龍珠》經典情景呈現，粉絲們可以盡情影相。
館內除展出各龍珠角色的1：1原大雕像外，仲有7大動感互動遊戲。
「對戰！布洛尼」中，參加者打開特定的手機網頁，可選擇悟空或布洛尼角色代表自己，只要點擊手機網頁就可以為角色「集氣」，程式會統計會場的點擊人數，當點擊達到特定人數便會出現不同的特效。
會場內不同角落有七顆龍珠，大家可以一齊找尋。參加者以手機即可追蹤龍珠位置，只要打開網頁中的「龍珠雷達」，找到龍珠並掃描QR Code，即可成功獲得該龍珠。
集齊七顆龍珠就可以向神龍許願，參加者只要輕輕觸碰螢幕，輸入夢寐以求的願望，願望便會在大螢幕上投影出來。
大家可以來跟悟空教練的指示學習氣功，擺出經典的招牌動作，變身超級撒亞人，一齊影相打卡。
仲可以變身成身龍珠戰士，瞬間練成悟空必殺技「龜波氣功」。
「瞬間轉移」考驗參加者們的同步性，在倒數完畢之時，若能集中注意力同步跳起，便是成功跨越時空，成功挑戰即可獲得證書以作鼓勵。
將經典動作還原的「合體」遊戲中，參加者二人一組，同步擺出《龍珠》的4個經典動作，程式會捕捉參加者每一個同步的瞬間。完成挑戰後，可以得到四格相片一張。
另外仲有不少打卡位。
展區2仲設有親子互動遊樂體驗，例如龜波池、神奇膠囊等，小朋友都可以在《龍珠》世界中盡情享受。
展覽館另有展出二十套跨越三個世代的龍珠電影海報，更有多款龍珠的經典模型和產品，包括32套Classic Gacha模型、多款龍珠模型、RVSR X Dragan Ball 2009限量牛仔褲及《龍珠》30周年紀念閃卡，粉絲們可以慢慢回顧龍珠角色大小事。
行完展覽記得睇埋《龍珠超》期間限定商店，有不少精品出售，T-Shrit、模型、小夜燈等都有！
仲有扭蛋區～
門票方面，成人原價$190；小童原價$95；另有套票：
親子套票 1成人+ 1 小童 $269
家庭套票 2成人+ 1 小童 $449
展覽不設現場現金購票，可使用手機下載 Trip.com App，並瀏覽連結購票。
活動資訊
- 日期2018年12月20日 - 2019年1月31日
- 地址 數碼港商場101-104及204舖
- 人均消費$101 - $200
- 開放時間2018年12月20至31日11:00-22:00／2019年1月逢星期五及六 11:00-22:00／2019年 1月其他日子11:00-21:00
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
《 U GO》請您去荷花夏季BB展 2026！
運動BB爬行賽/20種異寵體驗/Messy Play/明星校長講座🤩
↓【免費🎁】零食世界2026電子門票🍭 ↓
↓ 同一門票可入埋「香港書展」及「香港運動消閒博覽」↓
U GO 本週好去處
