【銅鑼灣美食】L.D.K by Ufufu將新開銅鑼灣分店 日本士多啤梨系列甜品新登場

文: LorLor Lee
2018.12.18

日本過江龍L.D.K by Ufufu早前於九龍灣的分店在11月開幕後,即將在聖誕節前於銅鑼灣開設新分店!同時由12月15日(六)起,全線分店會推出多款冬日限定菜式和日本士多啤梨系列甜品,當中還有士多啤梨梳乎厘班戟,軟綿綿,充滿空氣感,加上鮮甜的士多啤梨,好滿足!有興趣的朋友記得留意以下新分店地址啦!

日本過江龍L.D.K by Ufufu由12月15日(六)起,全線分店會推出多款日本士多啤梨系列甜品!

招牌士多啤梨梳乎厘班戟($168),軟綿綿,充滿空氣感~

精選士多啤梨芭菲($128)/ 特盛士多啤梨芭菲($198),芭菲底層有新鮮果肉、脆米、忌廉等,面層鋪上大量鮮甜的士多啤梨,好足料!

日本士多啤梨蛋糕($48),內層的士多啤梨果凍、忌廉和蛋糕相隔,口感豐富。

士多啤梨法式多士($168),選用日本士多啤梨,味道鮮甜,配法式多士好夾!

另外,還有推出冬日限定菜式,同樣吸引~

西京焗龍蝦配鮭魚味噌意粉($168),龍蝦啖啖肉,烤焗後好惹味。而意粉更是以日本小麥製作,正宗日式風味。

海老濃湯海鮮烏冬($128),鍋物配料有海老、蜆肉、青口等等,材料豐富,烏冬更吸盡海鮮湯底!

辣豚肉担担湯烏冬($88),担担麵就吃得多,但L.D.K by Ufufu新出担担湯烏冬,微辣的湯底加上豚肉碎,同樣滋味。

遲些經過銅鑼灣去試下啦!

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓