中環PMQ元創方今個聖誕節將會變成Floating Christmas飄浮波波聖誕市集。PMQ元創方內有多個大型色彩繽紛的漂浮氣球俾大家影相，聖誕節除了影燈飾之外，PMQ元創方亦是另一個選擇。除此之外，中環元創方內將會有不同的手工藝工作坊俾大家參加，等大家可以過一個又玩得又影到靚相的聖誕節。
元創方中央就有個大型飄浮空間，內有多個色彩繽紛的氣球隨風飄動，大家可以隨便影靚相。
在飄浮空間展覽期間仲會有舞蹈、音樂劇、聖誕獻唱等表演，充滿節日氣氛。
而在期間仲會分別有放飛市集同零捨好聖誕市集。
放飛市集
有攤檔會售賣可以食的氣球，「氣球」用糖製成，食落甜甜地，而且氣球內仲裝有變聲氣體，食完後會變卡通聲，非常有趣。
另外仲有釋放心靈植物工作坊，檔主會教大家整小蛋盆景（$280/人）、香草香包（$180/人）、植物標本漂浮筆（$200/人）等等。
除此之外亦有用重覆的線條畫出特別的禪繞畫工作坊可以俾大家參加。平面禪繞畫工作坊$80/人，立體禪繞畫工作坊 $280/人。
用新鮮水果製成的果醬，有多款口味可以選擇。
仲有花花啫喱，靚到唔捨得食！
零捨好聖誕市集
大家仲可以用樹枝、乾花、毛線球整成的聖誕樹，學到環保知識之餘仲可以做吓手工藝。
仲可以參加埋利用廢棄的紙包飲品製成的風景拼圖工作坊添！
有興趣的朋友記得唔好錯過啦～
活動資訊
- 日期2018年12月22日 - 2018年12月26日 零捨好聖誕市集
- 日期2018年12月29日 - 2018年12月30日 放飛市集
- 地址 中環鴨巴甸街35號中環PMQ
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
