【荃灣好去處】荃灣新開2萬呎親子遊樂場！3大玩樂/美食/購物區域
複合式零售體驗空間Dount Village佔地20,000平方呎，專為生活繁忙的家長而設，劃分成玩樂、美食、購物三大區域，更有英國皇室專用嬰兒用品Sliver Cross、日本休閒手袋品牌Rootote等特色店鋪進駐，家長可以放假時帶小朋友去放電！
玩樂區域Donut Adventure佔地超過3000呎，結合科技元素，利用投影互動形式讓小朋友擔當不同角色並完成任務，兩款遊戲均適合3-8歲孩子遊玩。
遊戲每節約30分鐘，平日一節收費60元，兩節100元。週末及公眾假期一節80元，兩節120元。遊玩需要一位家長陪同孩子遊玩，額外家長需另外收費。
美食區域Donut Kiosk by Donut Cafe有一比一黃色巴士，大家可以去影相。另外，推介食品有芒果奶昔及Oreo脆脆配彩虹脆脆圈，以冬甩為主題的小食及飲品都色彩繽紛，亦有pancake、曲奇等，非常吸引！
購物區域Donut Stores將會有38間店鋪進駐Donut Village，如英國皇室嬰兒車品牌Silver Cross、新加坡杯子蛋糕店Twelve Cupcakes等。
-
著數報料
韓印紅 Han Yin Hong (北角店)
韓印紅明太子醬🕵️♀️ $45咋！
居然俾我喺韓印紅搵到明太子醬🤩,$45蚊咋!仲要有盒仔收藏,唔洗好似平時係壽司部買一盒兩條,用剩又要包嚟包去放雪櫃,seems like幾方便!(味道如何就唔知啦)其他蔬菜類都幾抵買,得閒都鍾意去韓印紅fing吓發掘偏門食材🫡~ 🙋🏻又嚟向神通廣大嘅大家求救,請問最尾幅圖個山藥,唔知可唔可以就咁磨成蓉拌蕎麥麵生食呢? #山藥#明太子醬#韓印紅
閱讀更多
-
香港攻略
黑龍拉麵
黑龍拉麵🔥 發哥都讚！
上環蘇杭街由日本師傅主理嘅黑龍拉麵,發哥周潤發都嚟食過,夠晒名氣~🤩🙌🏻私心最推期間限定山椒辛味噌拉麵,湯底濃厚味噌底加山椒粉,一入口先味噌醇厚甜香,之後山椒麻辣直衝鼻腔同舌頭,嗰種麻辣衝擊好過癮,麵條彈牙吸滿湯汁,叉燒半肥瘦自家製吸汁惹味!牛筋Black拉麵,湯底濃郁黑蒜油豚骨,牛筋炆到冧哂入口即化,膠質豐富黏嘴唇💋餃子同枝豆正常發揮👌🏻記得即場follow佢哋IG,即送炸雞一粒🍗 #社群共創攻略
閱讀更多
-
香港攻略
Honjo
上環新派日菜 🤯Fusion味驚喜🌟
上環HONJO,走新派日式居酒屋風格,用高質日本食材玩創意,賣相同味道都好有驚喜~🇯🇵Tasting Menu $498/pp,三款前菜､兩款刺身/壽司､一個主菜加甜品都勁出色,食完真係滿足到爆!👍🏻😋 🌟主菜龍蝦尾熱石鍋飯(+$138)係重點🦞同黑白大廚｢料理狂人｣聯乘 @ynnvook 🇰🇷店員即席加入醬油拌勻蒜香牛油飯､龍蝦尾､黑飛魚籽､照燒蘑菇､三文魚籽､蟹籽,麻油香爆發,龍蝦尾爽彈,飯粒吸滿汁超香! 前菜大推升級香蔥吞拿魚他他👍🏻配料豐富,包括吞拿魚腩粒､牛油果慕絲､三文魚籽､海膽､鵪鶉蛋黃同日式春卷皮,層次感超強!刺身必嗌柚子炙燒三文魚薄片清新有層次,柚子味噌配搭正到飛起🤤 另外兩款前菜都好唔錯,炙燒和牛薄片香辣惹味🔥粟米天婦羅炸漿薄脆內裡粟米粒多汁🌽升級刺身四款新鮮肥美,個人最愛肥美嘅三文魚同拖羅!🍣主菜香蔥烤黃雞外脆內嫩滑,配飯蒜香突出🍗 甜品黑芝麻焦糖燉蛋有驚喜!🤩芝麻味濃郁,面層薄脆焦糖配焦糖雪糕同紅豆平衡得好好;柚子雪葩清新解膩👌🏻想搵間創意同質素兼備嘅新派日式菜?咁一定要試吓Honjo! #社群共創攻略
閱讀更多
港生活人氣好去處
《U GO》請您睇《電影教場：驪歌》！
木村拓哉率領豪華陣容回歸👮♂️直擊風間公親最嚴苛試煉⚔️
《U GO》請您睇《電競女孩》！
本地青春熱血鉅獻🌟全女班戰隊電競逆襲之戰🎮
假日好去處