朋友聚會總離不開打邊爐、雞煲、放題，選擇多照顧到每個人需要之餘，仲可以邊坐邊傾計，坐足一晚都無問題！大角咀最近新開一間雞煲火鍋店，食完雞煲後可以繼續打邊爐，任食火鍋配料，而且不設時間限制，食到關門都得~
大角咀新開的雞煲店「食雞」座位闊落，店面乾淨企理。
雞煲可以選擇不同辣度，不能吃辣的朋友可以選擇微辣，辣度可接受又夠香。重口味的朋友就建議選擇中辣或大辣，麻香味會更重。
每2-4位就可以享用一隻雞，食完唔夠可以加$50再添一隻雞。
雞肉入味但不會太辣，細細件易入口。
建議大家加入清湯打邊爐前，先用響鈴及魚皮沾一沾雞煲辣汁，十分惹味！
火鍋配料任點任食，款式多而且比較特別。
安格斯雪花肥牛、西班牙黑毛豬梅肉肉味都好濃郁，油脂分佈平均，以火鍋放題來說質素算高，如果有羊肉就夠更好喇。
麻辣湯底少不了鴨血，不怕食內臟的朋友可以試試新西蘭嫩鴨血。
魚片頭爽口，是店內招牌，推薦！
午餐肉煎得香脆，略略一浸熱就食得！
店內還供應市面較少見的重量級美國健力士啤酒腸、德國車打芝士熱狗腸及韓國珍竇蟹棒，小編特別推薦車打芝士腸，咬開後有香濃流心芝士，芝士迷必點！
蔬菜可以在自助區任取~
雞煲火鍋放題每位成人收費$258，小童及長者半價，無限時任食火鍋配料，任飲無酒精飲品，加$20就可以任飲8款啤酒。
活動資訊
- 地址 大角咀洋松街38號地下1-2號舖
- 人均消費$201 - $400
- 開放時間18:00 - 02:00
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
