【紅磡美食】紅磡新開刀削麵專門店 即叫即削麵質入口煙韌配麻辣小食
鍾意食麵的朋友，當然會注重麵條的口感，咁就不妨試下紅磡最近新開麵店「刕舙馫」，店舖主打四川麻辣風味的山西刀削麵，麵條即叫即削，特別改用機器削麵，快捷方便之餘，麵條厚度易控制，麵質入口帶煙韌。刀削麵仲可以配一系列麻辣小食，有麻辣口水雞、麻辣鴨血、麻辣牛筋腩等，辣得惹味！
紅磡最近新開一間麵店「刕舙馫」，主打四川麻辣風味山西刀削麵。
麵條特別改用機器削，厚度易控制。
麵質入口煙韌，軟硬度剛好，口感豐富。
刀削麵湯底採用豬骨、雞骨、雞腳自家熬製，味道清甜不膩。
麻辣口水雞刀削麵($52)
雞肉嫩滑，加上口水辣汁，好惹味。
麻辣牛筋腩刀削麵($45)，牛筋腩入味軟腍。
麻辣金沙腩排刀削麵($39)
唔夠喉的話，還可以單點各款麻辣小食！
麻辣鴨血拼鵪鶉蛋($30)
麻辣皮蛋($18)
鍾意食麵或麻辣控的朋友，經過紅磡就要試試啦～
活動資訊
- 地址 紅磡民裕街9-31號隆基大廈地下3號舖
- 人均消費$51 - $100
- 開放時間星期一至日上午10時至晚上9時
-
吹水
每日發掘一個新角度📸EP8
每日發掘一個新角度📸EP8
閱讀更多
-
香港攻略
千海水產海鮮火鍋放題（荃灣店）
超正海鮮放題
真係正到黐線x10000 出story嘅時候已經俾人炸爆私訊 個個都話呢間正‼️仲教我拎圍裙添🤣 呢個價錢呢個質素真係冇得彈 😱海鮮好生猛😱直程捉都捉唔住添🤣 牛仔骨係我食過咁多間放題最出色🤤 我一個人已經食咗10嚿牛仔骨了🤣 而且新出嘅甜品都係唔錯‼️ 鍾意海鮮放題嘅一定要試 而且每個海鮮個牌裏便都會有佢煮嘅時間 所以係非常之細心✨ 揀完海鮮放低俾佢拎個牌 佢會幫你洗乾淨 咁上下就去拎就得㗎啦👍🏻👍🏻👍🏻 新鮮撈 新鮮食 爽歪歪👍🏻👍🏻👍🏻 晚市仲有呢個鹽焗蟹 啲蟹膏多到爆✨ 📍千海水產海鮮火鍋放題 (荃灣) 荃灣大壩街4-30號荃灣廣場B1樓B126號舖 電話:36222223/36222226 #荃灣#放題#美食#海鮮#高質
閱讀更多
-
香港攻略
莆田
原來莆田今天踏入26週年啦🥳 店員更送上辣媽醬,慶祝26周年晚市活動! 聽店員說去到10月31日晚市用餐就有啦 點選鰻魚孖寶組合 $298 超抵 普寧豆醬焗活鰻魚 選用出口日本鰻魚,豆醬香味俱全,鰻魚肉質口感惹味 加配 脆皮蒜香雞 (半隻) 另甜品 榴槤撞奶 新品有驚喜 探用馬來西亞榴槤,榴槤控大愛
閱讀更多
港生活人氣本地熱話
↓【😋請您食】人氣餐廳全新餐單 ↓
> 一步登記，免費試食豐富二人餐 <
↓【限時搶⚡】七海健絡康復草天然減痛膏↓
↓減輕急性疼痛、腫脹↓
U GO 本週好去處
