鍾意食串燒的朋友試過位於筲箕灣東大街的「印尼沙嗲屋」未呢？串燒店由印尼華僑徐先生主理，由98年開業至今深受街坊捧場。最近在紅磡黃埔開設首間分店，希望有更多朋友能夠品嚐正宗印尼沙嗲。有店鋪招牌沙嗲串燒，有多款肉類選擇，配上秘製沙嗲醬，特別惹味。另外，仲食到沙嗲雞髀、沙嗲豬頸肉飯等。下次到紅磡又有多間小店可以試試！
沙嗲串燒有豬、牛、羊、雞、雞軟骨、魷魚鬚骨、珍寶腸等選擇，串燒嫩滑有油香。(豬、牛、雞肉串燒$13/羊肉串燒$14)
串燒即叫即燒，上枱時熱辣辣！
秘製沙嗲醬用上花生、黃豆、蒜蓉、南薑、黃薑、香葉、芫荽粉等多種香料製成，味道濃郁微辣，還食到粒粒花生碎。
沙嗲雞髀($25)，大雞髀份量有手掌般大，以香茅、沙薑、芫荽等醃成，好惹味。
雞髀先炸至5至6成熟後再烤，雞皮燒至微脆，皮脆肉嫩。
沙嗲豬頸肉飯($42)
豬頸肉份量很多！
伴碟的銀魚花生味道鹹香，另可單買($20)。
另外，還可以食到巴東牛肉飯(小$42/大$52)。
店舖以牛腱代替牛腩，筋位有咬口。
印尼珍多冰($25)，有自家製印尼涼粉Cendol，散發淡淡斑蘭香，椰香味濃。
客人還可以買走店舖的沙嗲添($55)~
大家可預先打電話落單，節省輪候時間。
紅磡分店
地址：紅磡德民街1-15號黃埔新邨地下 A4A 號舖
營業時間：星期一至日下午12時至晚上11時半
電話：2616 9926
筲箕灣分店
地址：筲箕灣筲箕灣東大街76D地下
營業時間：星期二至日下午4時至凌晨1時(逢星期一休息)
電話：2886 5796
活動資訊
- 地址 詳見內文
- 人均消費$50或以下
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
【社群送禮】送您麒麟一番搾啤酒及「秋日和楓禮品套裝」！
↓感受浪漫氣氛，為秋日留下歡聚回憶！↓
