今次德福廣場以懷舊風為主題，再加入豬年喜慶元素，打造多個搶眼必影裝置！影完相大家仲可以行埋新春市集，以及欣賞一連串新春節慶活動，睇埋落去逐點同大家拆解有咩推介！
3大必影打卡位 回味舊香港情懷
一) 以300隻紅膠豬仔錢罌列陣而成嘅至強打卡牆，隻隻紅膠豬仔都係獨一無二，因為每一隻都係由人手畫上眼睛同身上圖案㗎！
二) 60 米長嘅大紅燈海，用上超過600 盞懷舊雞蛋燈打造而成，非常震撼！
三)10隻巨型豬仔錢罌以層層疊形式登場，砌成達 3 米高嘅豬仔錢罌陣，寓意十「豚」十美，，氣勢十足！每隻豬仔身上都畫上唔同嘅傳統喜慶花紋，好似係萬壽無疆瓷碗花紋、青花瓷、婚嫁紅雙囍等，祝願大家豬年吉祥，同時喚起大家嘅集體回憶！
除咗以上3大打卡熱點，商場1期仲有好多文青必到嘅懷舊趣拍區，包括：懷舊信箱+郵筒拍照區、懷舊戲院、「豬籠入水」打卡區等等，適合閨蜜、情侶以至一家大細留低珍貴嘅回憶。
同場仲有大量趣味遊戲，包括懷舊戲院磅重機，巨型換衫紙公仔遊戲等，大朋友可以揾返童年回憶，小朋友就可以認識以前嘅玩樂文化。
必行新春市集 為親友送祝福
影完相大家仲可以喺德福廣場嘅新春市集到辦年貨呀！14 個賀年攤檔同特色懷舊小檔，包括上海陸金記瓜子大王、大同老餅家、英記茶莊、元朗合興、美樂士多及 Ztore.com 士多等，為大家準備咗過百款賀年禮品及傳統新春懷舊小食！
懷舊家品展覽 喚起舊時回憶
鍾意懷舊文化嘅朋友，呢個懷舊家品展覽絕對啱曬你！因為展出咗多款70年代經典品牌產品，例如：花水晶吊燈、太空喼，仲有一系列70年代嘅賀年用品，包括膠揮春、新年全盒等等。今次德福廣場仲搵到本地老字號錦興瓷器行借出原版紅膠豬仔錢罌，保證你大開眼界！
精彩節慶表演 歡度春節
最後，仲有一連串節慶表演推介比大家！本地殿堂級得獎木偶戲大師黃暉先生表演財神木偶戲，大家可以欣賞到中國傳統技藝文化，過一個別具特色嘅新年~
【INFO】
德福廣場「至『紅』港式情懷」
日期：即日至2 月 19 日
時間：11am-9pm
地點：港鐵九龍灣站德福廣場
資料由客戶提供
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】Care Bears™ x Grace Gift 人氣聯名系列🎀
↓ 帶走小熊CAP帽／半月包／中筒襪等單品🔥↓
↓《社群狂歡大激賞》！ ↓
↓送Super Sports Park室內遊樂場門票100張！↓
