榴槤控注意啦！佐敦新開一間樓高三層的榴槤甜品專門店「老樹」，主打多款貓山王榴槤甜品，包括布甸燒、芝士撻、雪糕、蛋糕等，在底層購買甜品後，可到上層坐下慢慢歎。店鋪採用馬來西亞柔佛州自家果園種植的榴槤，空運直送到港。最近仲新推出貓山王Tea Set，一次過歎晒4款招牌甜品，鍾意食榴槤就別錯過啦！
佐敦新開一間榴槤甜品專門店「老樹」，主打多款採用馬來西亞自家果園種植的榴槤所製作的榴槤主題甜品。
店鋪樓高三層，底層為甜品售賣部，上層坐底慢慢歎甜品。
店鋪樓梯間都佈滿自家設計的榴槤與動物的玩味塗鴉。
即開即食的原粒貓山王榴槤($450/銀點、$550/藍點、$650/金點)
貓山王Tea (訂購優惠價:$68/原價:$175)，共有4款招牌甜品，包括特濃貓山王蛋糕、法式貓山王燉蛋、馬卡龍和北海道貓山王雪糕。優惠詳情可參考琛榴槤Facebook專頁。
特濃貓山王蛋糕(單買$45)，迷你版榴槤的造型，食落除了有榴槤味，還散發斑蘭清香。
法式貓山王燉蛋(單買$40)，食到絲絲榴槤果肉，燉蛋亦入口香滑。
北海道貓山王雪糕
貓山王芝士撻($25)，有熱、凍選擇，撻底內先鋪上榴槤果肉，再加日本芝士漿焗製。
熱食還會有流心效果～
貓山王葡撻($30)、榴槤酥($15)，店鋪推出新品，在澳門大受歡迎。
首創開心果榴槤雪糕($60)，份量幾多。
榴槤雪糕($45)，好濃榴槤香！
另外都有杯裝榴槤雪糕選擇。($45)
貓山杯($45)，戚風蛋糕裏有貓山王漿，可另加配雪糕，口感更豐富
貓山王布甸燒($45)，由榴槤果肉、布甸和焦糖製成，入口滑溜，但榴槤味較輕。
榴槤瑞士卷($45)，有原味榴槤、咖啡榴槤、紫薯榴槤等口味，蛋糕質感軟熟。
店內有售榴槤造型蛋糕，不過就要3日前預訂，有興趣的朋友就要注意啦。
另外，最特別的是店鋪有出售榴槤花束，真的用原個貓山王榴槤插花！
鍾意食榴槤的朋友，不妨妨試試這家新店啦～
活動資訊
- 地址 九龍佐敦白加士街105號
- 人均消費$50或以下
- 開放時間星期一至四 12nn-1030pm、星期五至日12nn－11:30pm
- 電話28865573
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
