每逢春天都好期待香港花卉展覽嘅到來。除咗每年特定嘅主題花，仲可以一次過欣賞到來自世界各地園藝機構展出嘅盆栽、花藝擺設，同埋各式各樣嘅園景設計。今年花展將於3月15日至24日喺香港銅鑼灣維多利亞公園舉行，記得mark實時間入場賞花啦~
大紅花說願 展現生命力
每年花展都有一個主題同主題花，今年嘅主題花係花色豐富、充滿生命力嘅「大紅花」，帶出「大紅花說願」呢個主題。展覽除咗會以主題花及各式各樣嘅鮮花併出一片片「花海」之外，仲有來自本地、內地及海外園藝機構展出悉心栽培嘅盆栽、造型優美嘅花藝擺設，以及色彩繽紛嘅園景設計，保證你睇得心花怒放。
展覽期間仲有多項活動畀大家參與，包括攝影比賽、展品比賽、音樂及文娛表演、花藝示範、廚藝示範、綠化活動工作坊、綠化推廣攤位、導賞服務、康體活動及親子遊戲等。如果你覺得淨係睇唔多夠喉，會場內仲有售賣花卉及其他園藝產品的銷售攤位，畀你買得心頭好返屋企。
響應環保 花展後分派部分花卉
近年花展仲加強各項環保措施，並鼓勵參展機構、承辦商、義工同埋市民一同參與。例如喺花展期間，場內設置回收箱和可循環再用物料收集站，回收可循環再用嘅資源例如紙皮箱、膠花盆及凋謝花卉等。此外，花展結束後，大會仲會將可重新種植嘅花卉和植物分派畀學校、環保團體、非政府機構和市民。大家如果都想將漂亮繽紛嘅花帶回家，就要密切留意到時嘅安排啦！
花展詳情，可以瀏覽以下網址：https://www.hkflowershow.hk/tc/hkfs/2019/index.html
Source：康文署
」，
App內睇文同睇片可隨時捕捉U Fun彩蛋，
換領現金券及禮品！
↓【送】各大商場蛇年利是封🧧！↓
↓ 第一擊齊集15間商場利是封！每款設計各有特色！↓
↓【出POST即賺錢】《社群》再派錢！立即參加～↓
↓立即參加！賺取無上限現金賞💰↓
