尖沙咀一帶有不少咖啡店，當中就有間特別以花系為主題的Sean Cafe，有多款特別配合主題的花系美食和飲品外，店內環境佈置仲相當有心思，一樣貫徹主題。下次放假約好姐妹聚會，又有一個好地方！
店內雖然空間不大，但佈置勝在有心思，有不少花系主題裝飾，令環境加分。
Cafe的食物是以花為主題，每款賣相都相當吸引，店內的玫瑰Pancake（$78），造型溶化少女心外，食落仲有淡淡玫瑰香味。
新推出的仲有熊本士多啤梨Pancake（$108），三層士多啤梨味道香翻，食落相當有口感。
店內的熱食一樣有加入花！洛神花吉列芝士豚肉竹碳漢堡（$83)，大大塊吉列芝士豚肉，淋上洛神花醬汁，味道酸酸甜甜好開胃！
花漾蝦燉意大利飯（$128），醬汁分量十足，食落仲啖啖帶有花香。
喜歡試多幾款食物的話，可以一試店內的英式早餐（$118），仲配有自家製醬汁！
店內飲品一樣值得一試，冰凍的玫瑰花梳打（$38），甜度適中，啖啖帶玫瑰花香。
另有玫瑰鮮奶咖啡（$42），香濃咖啡味配有淡淡玫瑰香氣，相當特別。
下次去尖沙咀，可以一試！
活動資訊
- 地址 尖沙咀漆咸道南29-31號溫莎大廈地下12A號舖
- 人均消費$50或以下
- 開放時間星期一至六：12nn-10:30pm／星期日：12nn-6pm
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
