最近南區鴨脷洲一間20,000平方尺的寵物生活用品店Whiskers n Paws推出一系列的寵物服務，包括有寵物沖涼服務、寵物美容服務、貓狗領養區、寵物咖啡店，另外店內仲會售賣多款寵物用品等等，一齊睇吓店鋪Whiskers n Paws有咩賣點及詳細地址。
店內有寵物咖啡店，有咖啡師會駐場為大家煮咖啡，店內亦有一些輕食供主人購買，歎下午茶。
而狗狗亦有寵物專用的雪糕可以食，主人同狗狗可以在咖啡廳內邊食邊增進感情。
另外店舖亦與香港的動物組織合作，開設貓狗領養區，等有心人士可以領養代替購買，為無家可歸動物尋找一個家。
而店員仲會不時為待領養動物們進行訓練，增加牠們被領養的機會。
店舖亦有露天平台俾主人帶寵物來玩，費用全免架，大家得閒可以帶狗狗去放電。
除此之外，店舖亦設$100自助寵物沖涼區，任何身形的狗隻沖涼都只需$100。
沖涼區有齊沐浴用品同吹風機，主人可以自助幫寵物沖涼抹身。
玩完食完仲可以在店裡購買寵物用品，店內有售寵物食品、玩具、寵物車得得，主人們可以在精品區掃貨。
當中比較特別的有狗狗背囊，咁主人就可以隨時揹狗仔出街啦。
另外亦有特別構造的防水狗狗床，跣水力十足，咁就不怕狗狗賴尿落床啦。
有興趣可以帶自己的毛小孩去玩吓～
活動資訊
- 地址 鴨脷洲利榮街2號新海怡廣場10樓
- 開放時間星期一至五:10:00-18:00 星期六日: 10:00-19:00
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】召集運動愛好者！↓
↓ 一齊參與呢個運動主題盛會！↓
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
