西環西營盤一帶集合不少美食小店，最啱就是趁周末放假去一試！這間位於巷仔內的咖啡店「茶咖里」，以懷舊的冰室為主題，店外仲有百年石牆樹的靚景。有多款茶餐廳美食供應外，最特別就是以雞公碗盛載的咖啡，咖啡迷不妨一試！
餐廳位於暗巷內的石牆樹下，店內以懷舊冰室設計為主，室外位置一樣舒適，坐在大樹底下歎美食，別有一番風味，一旁更有特色鐵招牌，啱晒影相打卡！
店內的美食中西合壁，有多款茶餐廳美食供應外，亦有All day breakfast！班尼迪蛋配鬆餅All day breakfast（$78），有香腸、煙肉、蘑菇、茄汁豆、蕃茄及沙律等份量十足，加上流心的班尼迪蛋鬆餅，相當吸引。
大大份的牛油果醬魚柳芝士菠蘿包（$68），組合特別之餘，牛油果和魚柳仲好夾。
午餐時段的叉燒滑蛋飯（$48），亦是不少食客喜愛的美食之一！
除了食物外，茶咖里的賣點之一，就是以雞公碗盛載的咖啡。店內的Latte（$28）及Espresso（$20）同樣是雞公碗盛載，充滿本土特色，配店內美食一齊歎都得！
店內仲有推行自助點餐服務，可以自己落單好方便。
下次經過西營盤，不妨到一試到茶咖里飲杯咖啡！
活動資訊
- 地址 西環西營盤爹核里4號地舖
- 人均消費$50或以下
- 開放時間星期一全日休息／星期二至日：8am-6pm
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
