鍾意去深水埗掃街的朋友有新嘢試啦！南昌街最近新開一間港式街頭小食店「三肥美食」，深受街坊歡迎。除了有賣車仔麵、咖哩魚蛋、椒鹽燒賣等之外，小店還新推出自創椒鹽腸粉，外層香脆。店鋪另一人氣之選，就有超大份的生炸巨無霸雞髀，即叫即炸，食落特別香脆。下次到深水埗掃街又一新選擇啦！
鍾意去深水埗掃街的朋友又有新選擇啦，南昌街最近新開一間港式街頭小食店「三肥美食」。
生炸巨無霸雞髀($24)，雞髀比手掌更大，份量十足！
所有雞髀都是即叫即炸，想食的朋友就要耐心等候大約10-15分鐘啦～
雞髀外皮脆卜卜，肉質嫩滑，還能保流肉汁。另有灑上椒鹽，香脆惹味！
黃金鹹蛋黃雞翼($30)，鹹蛋黃加入牛油煮成濃稠醬汁，再更即炸雞翼拌勻。
單骨雞翼沾滿起沙的鹹蛋黃醬，鹹香惹味！
另外，還有多款脆口小食選擇。
椒鹽燒賣($12)，炸後再灑上椒鹽，味道更香口。
椒鹽腸粉($15)，店主自創美食，先將腸粉沾上薄薄一層炸漿油炸，再灑滿椒鹽，腸粉滑溜煙韌，達到外層香脆的效果。
腸粉更可另蘸上酸辣醬和沙律醬。
車仔麵($44)，有麻辣雞翼尖、豬紅、蘿蔔等多款配料，可自由配搭選擇。加上自家熬煮的豬骨湯和秘製辣椒醬，湯底味道濃郁。
心水推介，秘製牛腩和南乳豬手，招牌人氣之選，炆煮得軟腍入味。
下次到深水埗掃街又一新選擇啦！
活動資訊
- 地址 深水埗南昌街142-144號地下6號鋪
- 人均消費$50或以下
- 開放時間星期一至日12pm-12am
- 電話3705 2150
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
