【尖沙咀美食】尖沙咀少女粉紅系Cafe 龍蝦懸浮意粉/抹茶梳乎厘奄列！
主打粉紅色系的Café向來受女生歡迎，尖沙咀就有間粉紅色主題的「White Button Café」。餐廳有多個粉紅影相位外，熱食及甜品都相當有特色，最近更同時裝品牌Kanalili合作推出識得浮在半空中的龍蝦懸浮意粉，想知點解會懸浮半空就記得去試試啦！
White Button Café以粉紅色設計為主調，有不少粉紅影相位，仲有小道具提供，啱晒食野前影張相打卡！
最近餐廳更推出浮在半空中的波士頓龍蝦懸浮扁意粉（$188），以龍蝦湯製作的醬汁味道香濃，配上足料的波士頓龍蝦，份量夠兩個人一齊Share，想知道意粉的秘密就要親自去一試。
新推出的仲有日本紫薯千層蛋糕（$52），紫薯味香甜，口感鬆軟綿滑，紫薯控值得一試。
店內仲有不少賣相吸引的美食，一樣愛食客歡迎！復古電視機下午茶（$440/2位）有8款鹹甜小食及兩杯自選飲品，包括黑松露輕煎加拿大帶子、海蝦玉子亞力架餅乾、法式草莓馬卡龍及玫瑰蜂蜜千層餅等，夠晒多選擇，好啱同好姐妹一齊食！
宇治抹茶梳乎厘奄列（$88）亦是店內人氣之選，充滿空氣感的梳乎厘奄列鬆軟，加上宇治抹茶甘香茶味，一旁仲有雪糕及忌廉。
餐廳仲有多款特色飲品，香蕉草莓沙冰（$58）及芒果水蜜桃沙冰（$58）兩款的果味濃郁，配搭美食一齊歎，亦是不錯的選擇！
活動資訊
- 地址 尖沙咀亞士厘道23號雅士利中心12樓
- 人均消費$51 - $100
- 開放時間星期一至日：12nn-10pm
-
深圳攻略
深圳必試💯 | 口味多到眼花撩亂🤤
深圳嘅bagel界話晒都要提一提呢間出名嘅Begl 🥯💛 口味選擇超多,每個都想試~bagel本身幾有咬口,好滿足! 我自己最鍾意嘅係蒜蓉奶油bagel🧄+藍莓芝士忌廉bagel🫐🧀,一鹹一甜,完美平衡😋 #深圳美食#Begl#bagellover#深圳打卡#社群共創攻略#深圳cafe推介#深圳美食#深圳攻略#UCreator#深圳探店#深圳打卡#深圳新店
閱讀更多
-
深圳攻略
華發冰雪世界
深圳冰雪體驗｜入門必試❄️👍
最近去咗深圳華發冰雪世界玩🎿~ 對於未試過滑雪､但又想知自己係咪真係鍾意嘅人嚟講,呢個地方真係一個幾低成本嘅選擇👍🏻 初學者建議可以上教練堂,或者搵個識滑雪嘅朋友帶你,學返啱嘅姿勢會安全又事半功倍｡ 對新手嚟講,成個體驗都幾有趣,玩完仲會有少少上癮😆❄️ #深圳攻略#UCreator#深圳探店#深圳打卡#社群共創攻略
閱讀更多
-
深圳攻略
去了深圳永輝超市吃烘焙食物☺️☺️好味😋開心🥳 #一袋走天涯
閱讀更多
港生活人氣本地熱話
🚨【U Community研學室正式上線！】🚨
>🌟免費下載幼稚園/小學工作紙x試題<
↓【限時搶⚡】莓果櫻花味軟糖↓
↓柔軟Q彈、補充營養↓
U GO 本週好去處
