【灣仔美食】灣仔新開簡約純白咖啡店　自選多士配料+咖啡成分！

文: Femi Cheung

2019.04.13

用 App 睇文

灣仔月街一帶向來多特色餐廳，最近就有間新開的APT Coffee，店舖的純白設計，帶簡約日系風格，感覺悠閒舒適。咖啡店更可自選咖啡成分和份量，連多士配料都可以自由配搭，完全可以隨喜好選擇所需。

全店貫徹極簡的設計風格，純白牆和木系小裝飾，設有室內及室外坐位，整體感覺舒適。

點擊圖片放大

店內的咖啡可以自選成分和份量，分為Nutty和Fruity，另可選擇Black Coffee的冷熱水份量，及Latte中的牛奶份量及奶泡厚度，價錢按所選的成分和比例而定，可以自由選擇出想要的咖啡。

小編就試試Fruity豆配180ml奶量和中度奶泡，淡淡酸甜味，飲落質感柔滑。店員亦推薦女士們可以選擇果酸味較濃的Fruity配Latte，而Nutty豆製成的Black Coffee就較適合男士選擇。

點擊圖片放大

另外，多士（$65）亦可自選無花果核桃包或酸種包；及鷹嘴豆醬或忌廉芝士醬，另有十多款配料可以選擇，包括雞蛋、煙三文魚、牛油果、巴馬火腿等等，啱晒心思思想食多幾款口味的朋友！但要留意，部份配料需要額外加購。

蝦三文治（$82）亦值得一試，夾有蝦、羽衣甘藍、紫椰菜等配料，味道微辣開胃！

點擊圖片放大

活動資訊

地址灣仔月街2-12號地下A&B號舖
灣仔
人均消費$51 - $100
開放時間星期一至日8am-6:30pm

更多真實評價

Sasabb

珠海攻略

樂士文化區

中國/🌻珠海親子週末2日遊｜樂士文化區&向日葵主題公園

第一日: 午餐後,開展一個超悠閒下午~直接衝去樂士文化區!文青打卡+親子同樂,絕對chill到唔捨得走~ ✳️ 樂士文化區玩樂資訊: ⏰ 開放時間:全天候open,點解唔即刻plan過嚟? 📍 地址:珠海市香洲區岱山路7074號樂士文化區 ⏱️ 建議遊玩時間:2-3小時,hea住一個下午絕對夠曬~ 遊完文化區,可以順路過隔離去打卡向日葵主題公園(又叫岱山公園).放電必去! 🌻 向日葵主題公園(岱山公園) 📍 地址:珠海市香洲區岱山路70號(就係樂士文化區旁邊,極方便!) ⏰ 開放時間:星期一至五 15:30-21:30 星期六至日 09:00-21:30 週末早啲入嚟,陽光正好影相分分鐘直出大片~😍 第二日: 續玩行程就去融德廣場!超多親子家庭friendly嘅玩樂選擇,呢度真係細路玩到唔肯走! 🌟 融德廣場重點推介: - 酷樂思家庭娛樂中心 - 萬達影城(中影CINITY LED打卡新體驗) - 樂貝兒萌寵樂園 - 奇妙之城,放電天堂 - 文華書城(仲有DIY工作坊,手作仔必到) 📍 地址:廣東省珠海市香洲區永德街8號 ⏰ 營業時間:10:00-21:00 (各區域開放時間會有小小唔同,去之前記得Check清楚呀!) 3月最啱親子遊!呢個行程輕鬆又好玩,CP值超高,一家大細Chill住hea 行程就咁簡單搞掂!👨‍👩‍👧‍👦💖 #ucreator{{hket:campaign display="我想要麒麟櫻花禮品"}}{{/hket:campaign}}#好去處#親子活動#珠海好去處

閱讀更多
GanWes

珠海攻略

超好玩！珠海室內運動潮玩天堂🤩

趣鯤鵬潮玩運動匯(珠海橫琴創新方店)係一個主打｢室內潮玩+運動娛樂｣嘅大型場館,場館面積約 30,000 呎,設有 30+ 種玩樂項目,因為全部都係室內項目,所以唔受天氣影響｡呢度最大賣點係｢一站式室內玩樂｣,結合咗運動､娛樂同互動科技元素,例如模擬賽車､動感摩托､VR 戰車､保齡球､桌球､網球等,亦有 360° 自行車､互動足球､卡拉 OK､桌遊､互動籃球等項目｡地址:珠海市橫琴天羽道 111 號創新方東區一樓 (由港珠澳大橋口岸搭的士大約 25 分鐘) 營業時間:一般為 10:00–22:00 1大1小橫琴國家地理探險家中心+趣鯤鵬潮玩運動匯門票 https://novotown.com.hk/i/UIhnhbgAA 🌟輸入優惠碼｢Easter98｣有折扣 #室內遊樂場#趣鯤鵬潮玩運動匯#珠海橫琴#珠海一日遊攻略{{hket:campaign display="長隆放電假期"}}{{/hket:campaign}}#珠海親子遊

閱讀更多
Dear Marine

節日限定

西九咖啡節2026 COFFEE HONG KONG@WestK

復活節必去!西九限定咖啡☕️嘉年華!

只限4日!雲集80+ 個本地及國際品牌×世界冠軍咖啡師 ! 今次仲有多個首次來港獨家參展的海外知名咖啡品牌,包括世界冠軍🏆､世界🌎百大咖啡館及各地得獎咖啡師 ! 身為咖啡迷嘅我實喺飲到唔捨得走!一次過試曬香港🇭🇰本地,日本🇯🇵韓國 🇰🇷東南亞甚至內地嘅咖啡品牌!即可以現場同唔同嘅咖啡師交流!除左靚啡,現場仲有美食美酒可以一齊品嚐! 飲完啡,仲可以同泰國人氣角色臘腸狗 Wednesday 打卡! 多位人氣 DJ 仲會首日驚喜登場!仲有國際級 DCR Milda､Tiga 由經典廣東歌延伸至西洋電子音樂打造全港最大型戶外音樂咖啡派對🎉 2026 Coffee Hong Kong ☕️ 📆2026年4月3-6日 🕰️11:00- 20:00 📍西九文化區藝術公園大草坪 ✨親子寵物友善,大人小朋友都可以執嫁✨ 入場需記得購買門票🎫 @coffeehkg #CoffeeHongKong#ACupBeyondCircle#香港咖啡節#西九文化區{{hket:campaign display="長隆放電假期"}}{{/hket:campaign}}

閱讀更多