香港龍舟嘉年華 本港土炮手作巿集＋街頭美食 文青們又有好去處！
炎炎初夏有咩好玩？每年都盛大舉行、由香港旅遊發展局及中國香港龍舟總會合辦嘅「香港龍舟嘉年華」絕對係不容錯過嘅活動。由6月14日至16日喺中環海濱舉行，除咗連場國際級龍舟大賽之外，今年更首次加入本地潮創手作巿集，仲有「街頭美食盛會」，啱晒文青嘅你。當然唔少得去年都勁受歡迎嘅水戰區、人造沙灘同黃昏音樂會啦。
Check Point 1
文青必去！「港巿集‧港故事」潮創手作巿集
首辦嘅本港土炮手作巿集，共有46檔，都係以香港本土文化及集體回憶做主題；過百款手作精品任你睇任你揀！精品種類多，有加入咗潮流元素嘅傳統糖畫工藝、以港式文化做主題嘅刺繡飾物專門店、帶懷舊畫風嘅本土特色文具同日用品等等。
最吸引嘅仲有特色工作坊，分別有免費街道牌環保匙扣工作坊同環保紮染工作坊，畀大家親手製作自己嘅手作！熱愛香港熱愛本土情懷嘅一定要去啦。
糖畫先生：將大人小朋友都鍾意嘅卡通人物及電影角色，加入傳統民間糖畫工藝。同時都加入emoji圖案、廣東話潮語等元素，令古老手藝都跟得上時代步伐。
Inch-online store：本地刺繡布章及飾物專門店，主打港式文化系列，作品盡是香港生活元素如：茶餐廳常見嘅蛋撻、奶茶等圖案，以及紅白藍尼龍袋等。
iGLOOZ：全部係香港自家設計同本地生產。精品都充滿香港特色，設計師希望透過作品勾起港人共鳴，同時亦向旅客展現香港色彩。
手作J - 橡皮印章：將真實相片以精細手藝，製作成還原度極高嘅橡皮印章！其中最過癮係「一個印章‧一個故事」系列，刻劃出香港各區舊建築物同懷舊事物。
Handmadeship手作船：以懷舊畫風，將平常所見事物，用搞笑同可愛嘅風格呈現。作品有具本土特色嘅卡片套、布袋、筆記薄等小物。
QTSA x黑白®Chill有勁DIY手作坊：
DIY黑白®自家設計Tote Bag及Tee，可自由配搭港式茶記或具節日特色嘅龍舟圖案，再加上字句或個人化名稱，造出獨一無二又個性化嘅單品。大家更可下載QTSA「Q優點」APP以折扣優惠購買相關商品。
Check Point 2
吃貨有福了！16美食booths＋6架美食車
免費玩遊戲贏韓國水果及K-COCKTAIL
行巿集行到又攰又餓梗係要醫醫個肚！新設街頭美食盛會，16個美食攤檔，有齊港式、美式、德國等地方美食！去到現場參與免費遊戲仲可以嬴得韓國水果及試飲4款以韓國美酒同果汁等製作嘅特色雞尾酒K-Cocktail。而必食攤檔一定係米芝蓮推介嘅「天天海南雞飯」，仲有打卡必點的巨型龍蝦包。另外，亦有6架美食車，提供「香港龍舟嘉年華」限定美食，勁多選擇。
4款以韓國美酒同果汁等製作嘅特色雞尾酒K-Cocktail
海南雞飯@天天海南雞飯
海南雞飯皮薄肉嫩，加上以煮雞精華煲成嘅雞油飯，超香濃。
龍蝦包@Nathanhouse
尖沙咀人氣西餐廳！招牌菜龍蝦包足料又大件，海鮮控打卡必試！
燈映牛肉@川流
清脆的風乾牛肉撒上四川花椒，具鮮明對比的甜味和辣味加上輕微的麻木感，值得一嘗。
卡真牛油蝦配多士@阿甘蝦餐廳
以美國南部特有嘅卡真香料，加上牛油炒爽嫩蝦肉，配上多士，香脆惹味。
米芝蓮指南推介漢堡及期間限定串燒@The Butchers Truck
由澳洲進口谷飼牛肉做成嘅乾式熟成牛肉餡餅，牛味極濃。另有3款期間限定的串燒，現場即烤即食，非常惹味。
鮮忌廉菠蘿包@菠蘿仔食堂
菠蘿包夾入新鮮菠蘿及手打鮮忌廉； 熱辣且脆卜卜外皮配以冰凍菠蘿，冰火效果相當過癮。
花膠瑤柱羹@鴻福堂美食車
創作概念來自香港地道小食「碗仔翅」，結合鴻福堂招牌嘅花膠響螺煲竹絲雞湯，相當滋補矜貴嘅街頭美食。
冬蔭雞翼@泰妹美食車
泰妹美食車的新菜式，惹味雞翼配以自家製微辣冬蔭汁；另有不辣的泰妹沙嗲汁，同樣美味。
公主火龍寶@公主廚房
鮮火龍果沙冰，加上配料燕麥，香蕉，士多啤梨，藍莓，椰子片及杞子，消暑一流！
豬軟骨便當@池記
特色醬料煮制優質豬軟骨及鮮蝦雲吞，配上時令蔬菜及優質泰國香米。
Check Point 3
環保措施你要知！
搞親大型活動一定製造垃圾唔環保？又唔一定！今次「香港龍舟嘉年華」有一系列環保措施：街頭美食盛會新增設租用餐具服務，每套餐具先付按金$30，食飽飽後歸還餐具時即可取回全數按金。另外，部份美食攤位及美食車將為使用自携餐具(包括使用餐具租用服務) 嘅客人提供折扣優惠。入場前大家都要注意啊！
Info
「香港龍舟嘉年華」
日期：6月14至16日（星期五至日）
主要項目及時間：
建行(亞洲)香港國際龍舟邀請賽
6月14日（星期五）： 中午12時30分至晚上6時
6月15及16日（星期六及日）：上午8時30分至下午5時
其他嘉年華活動
6月14日（星期五）：下午1時至晚上9時
6月15日至16日（星期六及日）： 上午10時至晚上9時
地點：維多利亞港及中環海濱活動空間（觀眾席設於10號碼頭附近）
入場費用：免費
活動詳情：www.DiscoverHongKong.com/DragonBoat/tc
資料由客戶提供
活動資訊
- 日期2019年6月14日 - 2019年6月16日
- 地址 維多利亞港及中環海濱活動空間
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓【✨ 勁送海洋公園門票 ✨】↓
一步登記拎飛～玩轉夏日大熊貓生日派對🐼🎂！
↓【限時搶⚡】莓果櫻花味軟糖↓
↓柔軟Q彈、補充營養↓
U GO 本週好去處
