正在閱讀
驚安の殿堂唐吉訶德香港店購物攻略!開幕優惠/入會賺積分/現金卷 點買最抵?

驚安の殿堂唐吉訶德香港店購物攻略!開幕優惠/入會賺積分/現金卷 點買最抵?

2019.07.12

驚安の殿堂唐吉訶德香港店Don Don Donki今日正式開幕,首間香港分店坐落尖沙咀美麗華酒店地庫,店內有齊日本直送食品、美妝、家品雜貨、卡通精品等等,款式種類好多而加價錢合理,而且店舖亦有推出不同的減價優惠,去shopping掃貨之前記得做定功課,睇睇心水貨品有冇減價同點買先最抵啦!

開幕期間店舖推出限時開幕優惠,推出首三日限定、首一個月限定、APP限定的減價商品,減價商品包括雪肌精、SOFINA套裝,家品電器如風筒、去角質機,另外零食、急凍食品、炸物熟食都有減。

Don Don Donki亦有推出香港版官方手機應用程式Donki HK,下載手機APP後申請成為會員就可以購物賺積分換取一系列優惠卷。開啟應用程式後需要登記個人資料開設帳戶,之後每次購物時掃描應用程式上的條碼就可以儲dMiles會員積分!

儲夠dMiles會員積分後可以於APP內的「Coupons」位置兌換現金優惠卷或精選商品。優惠券有$25、$50、$100,不過要消費滿$150元方可使用。

在手機APP內的「My dWallet」及Discover頁面就會顯示驚安の殿堂的最新優惠情報,每次去之前記得要睇睇,唔好錯過任何一個優惠啦!

最後,Don Don Donki香港店收銀櫃台前面有一個減價區,減價區上有各式各樣的期間限定減價商品,每隔一段時間就會轉換成其他精選商品,付款前記得要睇睇,唔好走漏眼!

 

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠