仲有一個月就到2019年中秋節啦！今次就為大家搜羅了香港9間品牌推出的全新月餅系列，包括有唐宮小聚的手工花系月餅、郎延酒店的迷你金桔奶黃月餅、梵高藝術體驗館的「杏福團圓」月餅、 荔園的「幸福摩天輪」月餅、Lady M的迷你奶黃月餅及星月居全港最大尺寸的月餅。部份月餅系列更是限量發售，大家仲唔快啲上網預訂，一齊品嚐美味月餅，慶祝人月兩團圓的大日子！
唐宮小聚
今個中秋，唐宮小聚推出全港限量100盒手工花系月餅，餅皮用豆蓉和杏仁粉製作，天然健康又美味，而食落去更嚐到濃濃的伯爵茶味道，好味之餘，外型亦好精緻。另外，餐廳同時會推出新加坡貓山王榴槤冰皮月餅，鍾意食榴槤的朋友有口福啦！按下圖睇價錢詳情，大家可>按此<了解更多。
朗廷酒店
朗廷酒店集團將於中秋節推出由旗下米芝蓮主廚炮製的兩款迷你月餅，包括迷你奶黃月餅及金桔奶黃月餅，不嗜甜的朋友可考慮帶有微酸的金桔奶黃月餅，相信會是另一番風味。大家可>按此<訂購。
梵高藝術體驗館
亞洲首間獲梵高博物館獨家授權的Van Gogh SENSES推出「杏福團圓」系列月餅禮盒，月餅禮盒一共有3款，分別是盛開的杏樹》的香茶月餅禮盒、限量發售的「月滿杏樹 · 盛」禮盒及入門之選的「杏福團圓」奶黃月餅。禮盒顏色象徵天空的土耳其藍，再襯托上純潔雅淨的白色杏花，感覺優雅脫俗。另外，月餅的奶黃香味濃郁，酥皮鬆軟可口，層次亦非常豐富。 大家可>按此<了解詳情。
荔園
荔園新推出限量「幸福摩天輪」迷你流心奶黃月餅及蕎麥茶包套裝，同大家慶中秋！禮盒設計突破傳統包裝設計，設有「懶人版」及「DIY 版」，大家可選自行組裝「幸福摩天輪」的DIY 版，與屋企人共享天倫之樂。兩個版本均有6 個月餅及10 包蕎麥茶包，幫大家消食解滯。大家可>按此<了解詳情。
Lady M
Lady M 首度與米芝蓮星級餐廳都爹利會館聯乘推出迷你奶黃月餅，禮盒包裝精美，印上金色星星、玉兔和月亮陰晴圓缺的圖案，務求給予大家視覺及味覺雙重享受 ！而奶皇月餅的餅皮更焗至金黃鬆軟，內裏夾着幼滑綿密的奶黃餡料，美味可口。Lady M 追月映畫中秋禮盒將於 2019 年 7 月 22 日起在各香港分店，大家可>按此<了解。
星月居
星月居限量推出800 個全港最大尺寸的「大團圓月餅」，為大家帶來一點節日驚喜！月餅以純人手製造，用上十二隻鹹蛋黃，內餡則選用美味的紅蓮蓉，客人無論在任何角度切下去也能品嚐到美味油潤鮮香的蛋黃。星月居月餅將於7月31日開始接受預訂。
香港麗思卡爾頓酒店
今年香港麗思卡爾頓酒店(Ritz-Carlton Hong Kong)與薩凡納藝術設計大學SCAD香港分校合作，推出「銀河夜月」及「月中嫦娥」兩款全新限定月餅禮盒，月餅禮盒由學生設計！按下圖睇禮盒價錢。
活動資訊
- 地址 香港
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
