【暑假好去處】全港10大暑假親子好去處！Kakao Friends/Peppa Pig/蛋黃哥
話咁快就到8月，仲有唔夠1個月暑假就完結，家長們仲唔趁最後幾個星期同小朋友一齊玩盡暑假，共度親子時光。為大家集合了全港10大暑假親子好去處，多個卡通影相位，包括Snoopy、KAKAO FRIENDS、蝙蝠俠、LEGO巨型遊樂場、Peppa Pig、名偵探柯南等，方便大家好好規劃行程，有興趣的朋友睇睇以下的介紹啦！
1. 又一城「史諾比．星空漫遊」
為慶祝史諾比(Snoopy)與美國太空總署登月計劃50週年紀念，又一城將打造全港首個《又一城 x 史諾比．星空漫遊》活動。Snoopy將化身成太空人同一眾好友現身又一城！場內將有一個3米高的史諾比迎接大家，而史諾比太空系列收藏紀念品亦會同場展出，仲有過百款限定潮流商品於史諾比期間限定店售賣。另外，場內亦設有獨家史諾比DIY T-shirt專區，讓大家製作個人專屬的潮Tee！各位Snoopy迷記得唔好錯過啦～日期詳情可>按此<。
2. 旺角朗豪坊 「KAKAO FRIENDS」
韓國大熱卡通KAKAO FRIENDS暑假登陸旺角朗豪坊！場內設有5大影相位，包括Chill Pool輕鬆池、池畔酒吧等，Ryan等一眾人氣角色亦會換上夏日造型與大家合照。另外，更有期間限定店，出售多款獨家限定KAKAO FRIENDS夏日造型紀念品。喜歡KAKAO FRIENDS的朋友不要錯過。日期詳情可>按此<。
3. 九龍灣MegaBox Peppa Pig
於暑假期間，Peppa Pig一家及好友們將齊集九龍灣MegaBox開沙灘派對將，舉行一連串精彩活動，包括沙灘玩樂party、開心動感照相館， 顧客可自由選擇不同款式的Peppa Pig精美相框，與一眾Peppa Pig朋友拍攝Gif動態圖製成獨有相片。全場最矚目一定是10呎高的Peppa Pig 巨型沙雕造型裝置，非常可愛！另外，活動期間亦會設有Peppa Pig期間限定店，多款Peppa Pig玩具、精品、文具等將會登場，Fans唔好錯過！日期詳情可>按此<。
4. 將軍澳翩滙坊「梳乎蛋」
將軍澳全新商場華懋集團翩滙坊於7月31日正式揭幕，多間特色商店、餐飲進駐，包括一系列日本、台式、泰式餐廳及酒家。而今個暑假，GUDETAMA梳乎蛋將換上全新派對造型，在新商場的兩大場景與大家見面，分別是「夢幻蛋旋機」及「Chill萌熱氣球樂園」。另外，場內將出現7米高的巨型GUDETAMA造型熱氣球及一架逾2米高的夢幻蛋旋機，等大家可以到場打卡留念。由8月2日起，大家只要以電子貨幣即日消費滿指定金額，憑2至3張不同商戶發出的即日有效發票，連同相符的正本電子貨幣顧客付款交易存根，即可換領開幕限定版「GUDETAMA盛大CHILL-LEBRATION」行李帶及連帽斗篷禮品一份！日期詳情可>按此<。
5. 尖沙咀The ONE「蝙蝠俠」
為慶祝「蝙蝠俠」誕生80周年，尖沙咀The ONE於暑假期間舉行「蝙蝠俠80周年經典傳奇@The ONE」大型互動展覽。商場化身電影裡的「葛咸城」，讓大家彷如置身於拍攝場景之中，並可以同1:1的「蝙蝠俠」及「羅賓」雕像見面。場內亦會設有「蝙蝠俠」80周年的期間限定店，啱晒一班蝙蝠迷！另外，屆時亦會有首個「蝙蝠俠」香港粉絲見面會，大家終於可以近距離同「蝙蝠俠」會面啦！ 日期詳情可>按此<。
6. 屯門市廣場 LEGO「Big Box Factory」
今個暑假，屯門市廣場會聯乘LEGO將化身成「Big Box Factory」，場內設有三大遊戲挑戰區，包括能源啟動站、創意動物園及幻想創造站，考驗小朋友的創意及想像力，大家亦可以到「開心玩『樂』區」，自由組砌LEGO，或於色彩繽紛的巨型LEGO管前影相打卡。另外，場內特設的LEGO®期間限定店，發售多款最新精品，LEGO Fans唔好錯過啦！日期詳情可>按此<。
7. 將軍澳MCP One 新都城中心一期「名偵探柯南小鎮」
召集柯南粉絲！柯南同一眾動畫角色將會在2大商場同大家見面。將軍澳MCP One 新都城中心一期同上水中心購物商場2大商場特別搭建了柯南推理世界場景佈置，現場有多個影相位，包括經典紅色電話亭及神秘的古老大宅。場內將不定時舉行各種推理遊戲，等一班柯南忠實粉絲可以參與其中。另外，米花駅內亦特設柯南粉絲珍藏展覽，展品包括有第一代柯南麻醉針手錶、增強踢力球鞋、珍藏版柯南劇場版金幣及柯南作者出生地鳥取的限定紀念品等，記得唔好錯過。日期詳情可>按此<。
8. 銅鑼灣皇室堡「正義聯盟」
正義聯盟大熱角色，包括超人、蝙蝠俠、小丑、神奇女俠、閃電俠、水行俠及超人火箭於暑假登陸銅鑼灣皇室堡！一班正義聯盟粉絲們可到場玩盡6大打卡點及2大遊戲區，分別是「The Flash！左閃右避光速跑」及正義聯盟大比「拼」。另外，粉絲們亦可以參加「正義聯盟見面會」，同神奇女俠、蝙蝠俠、閃電俠及超人影翻張selfie留念！日期詳情>按此<。
9. 奧海城「穿越事業所」
全港首創「穿越事業所」於今個暑假登陸奧海城！大家可親臨奧海城的「穿越事業所」，只需換領「通關文牒」，即可挑戰不同工作任務，感受古人打工的樂趣，包括醫館大夫、店小二、古玩店掌櫃及衙門捕快。而一班家長們亦可化身客人同小朋友互動一番，共度難忘暑假。完成挑戰後，小朋友可戴上 VR 裝置，登上巴士駕駛倉，體驗巴士司機的日常工作。另外，另外，奧海城更邀請了電視節目「學是學非」學者嘉賓蕭浩欣博士擔任顧問。家長們記得帶埋小朋友到現場體驗古人打工啦！日期詳情>按此<。
10. 銅鑼灣時代廣場「龍珠」
「Dragonball World Adventure」 將於暑假期間降臨銅鑼灣時代廣場，場內將展出3大經典激戰場景和互動專區，令粉絲們猶如置身於《龍珠》世界中。特大戰士雕像，包括格古達、布洛尼、超級撒亞人藍悟空、超級撒亞人藍比達將於場內與大家見面。而館內還會展出歷代模型，包括初代《龍珠》、《龍珠Z》、《龍珠超：布洛尼》電影模型等，模型更會座落超真實名場面情景，供一眾龍珠迷近距離觀賞拍照。日期詳情可>按此<。
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓【U Community 社群 送您 PARAKITO 天然驅蚊噴霧！】↓
>簡單登記領取<
↓【限時搶⚡】置富Malls 全力以「褲」Pickleball套裝↓
↓亮麗的粉藍設計↓
U GO 本週好去處
