【荃灣美食】荃灣爆丼丼限定第二碗半價優惠 拖羅三文魚籽/海膽丼/爆芝牛肉丼
荃灣「爆丼丼」推出一周年優惠，所有丼飯第二碗均有半價優惠，最平只需$54就可食到拖羅蓉三文魚籽～半價款式很多，包括海膽丼、拖羅蓉三文魚籽丼、爆芝安格斯牛肉丼等選擇，鍾意食日本菜的朋友趁有優惠就咪錯過啦！
荃灣「爆丼丼」推出一周年優惠，所有丼飯第二碗均有半價優惠～
終極爆丼丼 （第二客半價 $184｜單點優惠價 $298｜原價 $368）
丼飯共有9款刺身，分別是海膽、牡丹蝦、帆立貝、三文魚腩、拖羅、炙燒左口魚裙邊、劍魚腩、油甘魚和三文魚籽，兩個人Share食都無問題！
迷你格格丼 （半價 $119｜原價 $238），可以一次食勻海膽丼、拖羅魚蓉丼、蟹籽帆立貝丼、雜錦魚生丼～
迷你海膽丼 （半價 $74｜原價 $148），足足用上兩板馬糞海膽，入口即溶。
迷你拖羅蓉三文魚籽丼 （半價 $54｜原價 $108），半價後好抵食！
四重爆丼 （半價 $104｜原價 $208）有炙燒海膽、鮮甜帆立貝、肥美拖羅、拖羅魚蓉和三文魚籽，份量十足。
雜錦串燒丼 （半價 $69｜原價 $138），有鰻魚、汁燒牛舌、雞肉串、赤蝦、阿古黑豚肉和雞翼串。
爆芝安格斯牛肉丼 （半價 $69｜原價 $138）夏日限定，安格斯牛肉加上半溶拉絲芝士，芝味十足～
＊凡在「爆丼丼」惠顧雙數丼飯，第二客將獲半價優惠！ （*第四客、六如此類推）
活動資訊
- 日期2019年8月7日 - 2019年9月30日
- 地址 荃灣河背街74號地舖
- 人均消費$101 - $200
- 開放時間星期一至日12:00 - 22:30
- 電話2556 6222
-
香港攻略
黑龍拉麵
黑龍拉麵🔥 發哥都讚！
上環蘇杭街由日本師傅主理嘅黑龍拉麵,發哥周潤發都嚟食過,夠晒名氣~🤩🙌🏻私心最推期間限定山椒辛味噌拉麵,湯底濃厚味噌底加山椒粉,一入口先味噌醇厚甜香,之後山椒麻辣直衝鼻腔同舌頭,嗰種麻辣衝擊好過癮,麵條彈牙吸滿湯汁,叉燒半肥瘦自家製吸汁惹味!牛筋Black拉麵,湯底濃郁黑蒜油豚骨,牛筋炆到冧哂入口即化,膠質豐富黏嘴唇💋餃子同枝豆正常發揮👌🏻記得即場follow佢哋IG,即送炸雞一粒🍗 #社群共創攻略
閱讀更多
-
香港攻略
Honjo
上環新派日菜 🤯Fusion味驚喜🌟
上環HONJO,走新派日式居酒屋風格,用高質日本食材玩創意,賣相同味道都好有驚喜~🇯🇵Tasting Menu $498/pp,三款前菜､兩款刺身/壽司､一個主菜加甜品都勁出色,食完真係滿足到爆!👍🏻😋 🌟主菜龍蝦尾熱石鍋飯(+$138)係重點🦞同黑白大廚｢料理狂人｣聯乘 @ynnvook 🇰🇷店員即席加入醬油拌勻蒜香牛油飯､龍蝦尾､黑飛魚籽､照燒蘑菇､三文魚籽､蟹籽,麻油香爆發,龍蝦尾爽彈,飯粒吸滿汁超香! 前菜大推升級香蔥吞拿魚他他👍🏻配料豐富,包括吞拿魚腩粒､牛油果慕絲､三文魚籽､海膽､鵪鶉蛋黃同日式春卷皮,層次感超強!刺身必嗌柚子炙燒三文魚薄片清新有層次,柚子味噌配搭正到飛起🤤 另外兩款前菜都好唔錯,炙燒和牛薄片香辣惹味🔥粟米天婦羅炸漿薄脆內裡粟米粒多汁🌽升級刺身四款新鮮肥美,個人最愛肥美嘅三文魚同拖羅!🍣主菜香蔥烤黃雞外脆內嫩滑,配飯蒜香突出🍗 甜品黑芝麻焦糖燉蛋有驚喜!🤩芝麻味濃郁,面層薄脆焦糖配焦糖雪糕同紅豆平衡得好好;柚子雪葩清新解膩👌🏻想搵間創意同質素兼備嘅新派日式菜?咁一定要試吓Honjo! #社群共創攻略
閱讀更多
-
深圳攻略
華發冰雪世界
深圳冰雪體驗｜入門必試❄️👍
最近去咗深圳華發冰雪世界玩🎿~ 對於未試過滑雪､但又想知自己係咪真係鍾意嘅人嚟講,呢個地方真係一個幾低成本嘅選擇👍🏻 初學者建議可以上教練堂,或者搵個識滑雪嘅朋友帶你,學返啱嘅姿勢會安全又事半功倍｡ 對新手嚟講,成個體驗都幾有趣,玩完仲會有少少上癮😆❄️ #深圳攻略#UCreator#深圳探店#深圳打卡#社群共創攻略
閱讀更多
港生活限時優惠情報
《U GO》請您去香港國際七人欖球賽！🏈
↓一齊感受欖球盛事嘅熾熱氣氛！❤️🔥↓
【免費送🎁】Cetaphil舒特膚高效清爽低敏防曬啫喱☀️
↓ 無油啫喱質感清爽不黏笠💧立即登記 ↓
假日好去處