【尖沙咀美食】亞洲首間The Tiffany Blue Box Cafe 夢幻湖水藍玻璃屋歎下午茶
珠寶品牌Tiffany & Co.將於尖沙咀開設亞洲區首間The Tiffany Blue Box Cafe，是繼2017年紐約後全球第二間Blue Box Cafe的分店，香港店10月中開始正式開放預約，約埋閨密去歎下午茶喇！
亞洲區首間The Tiffany Blue Box Cafe登陸尖沙咀！店鋪將於10月14日隆重開幕，以Tiffany標誌性的湖水藍為主調。
Cafe分為兩部分，半透明玻璃屋光線從藍白玻璃透射進來，空間寬敞舒適，另一邊則以藍白色調為主，周圍放滿Tiffany家品及飾品，最啱打卡！Cafe亦用上Tiffany & Co.設計的Color Block餐具，骨瓷和銀器設計簡約。
食物方面，Blue Box Cafe提供早餐及Brunch、下午茶及全日菜單，當中少不了招牌的Tiffany下午茶及禮物盒造型蛋糕。
早餐及早午餐 (Breakfast & Brunch) 每日供應至下午2時，有多士、Eggs Benedict、班戟等供應，每款可選配指定咖啡、茶或果汁。
特色BLUE BOX吐司 ($198)，方型吐司以丹麥麵包注入焦糖香蕉醬，伴上焦糖香蕉。
海鹽糖脆花生醬班戟 ($188)，美式班戟淋上自家調製朱古力花生醬，配上海鹽牛油及蜂蜜糖脆，再灑上開心果碎。
煙三文魚牛油果烘麵包 ($218)，Bagel上塗滿忌廉芝士，面層鋪滿牛油果及煙三文魚，再加上菲達芝士及醃製紅蔥。
下午茶兩位起($688；額外一位+$358)，每日下午2時至晚上7時供應，可選配指定咖啡或茶，下午茶3層一共12款鹹甜點。頂層有Tiffany鳥巢朱古力蛋、白桃香檳啫喱、咖啡忌廉閃電泡芙、士多啤梨三重奏及玫瑰忌廉慕絲；中層則有魚子醬撻、鴨肝醬凍球、火腿芝士脆盒、黑毛豬火腿及吞拿魚他他三文治；底層則是檸檬瑪德蓮及小紅莓鬆餅，配上奶油忌廉及果醬。
全日菜單於中午12時至晚上10時供應，可選套餐：2道菜($358；一道前菜及主菜)或3道菜($458；一道前菜、主菜及甜品)，亦可單點。
龍蝦沙律 ($268；套餐+$100)，龍蝦伴以生菜、牛油果、番茄及香橙薑醬汁。
龍蝦扁意粉 ($368；套餐+$120)，意粉醬汁以龍蝦蝦頭及蝦殻熬煮超過12小時一加入干邑調製，配上鮮嫩彈牙的龍蝦肉。
海鮮意大利飯 ($248)，以帶子貝殼盛載帶子、墨魚及蜆肉，配上墨魚汁意大利飯。
焦糖爆谷朱古力撻 ($108)，朱古力撻內是Mascarpone芝士忌廉配上榛子杏仁朱古力醬，上面鋪滿焦糖爆谷，再伴以雪糕，賣相精緻。
The Blue Box Cake ($588；須於網上訂枱時同時預訂)，湖水藍色的禮物盒造型蛋糕，內層是海鹽焦糖及白芝麻味慕絲，再與杏仁朱古力及朱古力戚風蛋糕相間，適合6-8位享用。
No.727 The Tiffany Blend ($98)，Tiffany特調茶以中式紅茶作基調，加入玫瑰、薰衣草及雲呢拿調配。
Statement Blue ($128)，接骨木花有汽水及Vodka淋在藍色棉花糖球上，溶化成藍色雞尾酒。
*Cafe新開業期間更會送上無酒精版Statement Blue作Welcoming drink
活動資訊
- 地址 尖沙咀北京道1號大堂208號舖
- 人均消費$101 - $200
- 開放時間星期一至五早上8時至晚上10時；星期六、日及公眾假期早上9時至晚上10時 (最後點餐時間為晚上9時)
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
港生活人氣本地熱話
【U GO夏日消暑企劃😎】
暑假必去打卡熱點＋夏日驚喜獎賞！🎈
↓「夏日萌力補給站」限定精品↓
↓麻吉貓甜蜜多士三文治爐、麻吉貓多士匙扣連環保袋↓
U GO 本週好去處
