文具店中南廣場早前進駐荃灣，開設了首間於新界區的分店，分店3層高佔地1萬呎，入面有唔少特色文具精品，今次就走入荃灣3層高的中南廣場尋寶，睇睇有咩平時較少見的人氣熱賣商品，文具控去Shopping之前可以睇定有冇啱心水啦～
中南廣場的主樓層主要售賣文具、文儀用品，現時有唔少2020年schedule book，當中有唔少特色款，包括要自行填色的日曆薄、布製柴犬設計、雲石圖案設計的schedule，款式又多又靚！
亦有唔少卡通款schedule book。
台灣十分流行飲珍珠奶茶，為了可以在街上更加方便地拎住奶茶，早幾年就推出了飲料杯手提袋，手提袋有唔同圖案及間格設計，部分更可以一次過拎幾杯飲品，鍾意飲茶飲的朋友可以考慮一下～
除了飲料杯手提袋，仲有布製的書衣在台灣都好流行，有唔同的款式圖案，書迷可以買返個用。
文具店內仲有大量台版生日卡，有拼圖款、仿黑板、獎狀設計，款式非常特別！
如果送禮或者慶祝生日、搞Party，可以買埋禮物盒、汽球，款式選擇比出面的店舖多～
鍾意寫手帳的朋友就可以買貼紙，有好多平時出面較少見的款式，部分仲好有香港、台灣特色，去開可以入定貨！
現時中南廣場荃灣店內有一個小專櫃出售日式櫻花系列的文具用品。
店內仲有其他得意文具精品，除了荃灣店之外，中南廣場在九龍區油麻地及港島區炮台山亦有分店，不過存貨未必一樣，大家有興趣可以去睇睇。
中南廣場分店地址：
荃灣店：荃灣沙咀道289號地下至2樓
炮台山店：北角英皇道135號民眾大廈M樓
油麻地店：九龍油麻地彌敦道503號
活動資訊
- 地址 香港中南廣場分店
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
