【生日優惠2019】11月生日12大優惠晒冷!免費食酒店自助餐/海鮮火鍋/澳門船飛

文: Eunice Lam
2019.10.30

今次輪到11月份生日的壽星仔女,以下為大家介紹11月生日優惠,包括酒店自助餐優惠、主題樂園免費入場門票、任食火鍋優惠、澳門船飛、迪士尼酒店住宿優惠等。快啲推介以下的生日優惠及生日好去處俾11月生日的壽星仔女,約埋屋企人同朋友慶祝,一齊嚟睇下有咩生日優惠啦!

1. 8度海逸夏日海鮮自助晚餐 壽星半價入座

11月生日的壽星可以半價自助晚餐,或免費生日蛋糕1磅,或紅/白餐酒1瓶 (4人或以上同行優惠)。而11月份的自助餐以海鮮為主題,有多款海鮮任你揀,包括新鮮即開生蠔、波士頓龍蝦、香草熱石皇后蟹腳等,啱晒鍾意食海鮮的壽星,優惠詳情>按此<

2. 香港半島酒店大堂茶座 生日4人同行1人免費

香港半島酒店推「快樂生辰獎賞」。11月份的壽星只需於生日月份內惠顧大堂茶座晚市套餐四位或以上,即可享一客免費套餐以及生日蛋糕一個,只適用於指定餐單。提提大家需於3日前預訂,並於用餐時出示出生日期證明作實,優惠詳情可>按此<查閱。

3. 城景國際酒店 免費海膽‧生蠔‧海鮮自助晚餐

城景國際酒店推生日免費海膽‧生蠔‧海鮮自助晚餐優惠。多款主題菜式均以海鮮為主題,包括海膽龍蝦迷你日式冷麵、西班牙魚子醬鮮蠔射手杯、懷舊花膠金蠔雙冬雞球、廣島生蠔天婦羅、三色焗生蠔、迷你海膽鮮蝦西多士等,啱晒鍾意食海鮮的朋友們!當月生日客人可免費享自助晚餐。不過,生日優惠不能與「4人同行1人免費」優惠同時使用,詳情>按此<查閱。

4. 九龍海逸君綽酒店 免費午市放題/送生日蛋糕

凡4位賓客惠顧爐端燒日本餐廳相撲手日式午市放題,生日壽星可享免費(最多兩位小童同行)。凡2位或以上惠顧扒房晚膳,或4位或以上惠顧The Promenade餐廳自助晚餐、水雲間,即送壽星仔女生日蛋糕一個。壽星可於兩天前網上預訂,並輸入生日日期連同優惠編號「birthday」,即享以上優惠。優惠詳情>按此<

5. 銀鑛灣渡假酒店 11月生日住宿套餐優惠

銀鑛灣渡假酒店推出11月份生日優惠。凡於星期日至星期五入住酒店,即可以優惠價$838入住一晚雙人標準客房,包雙人自助早餐、雙人精選晚餐及生日蛋糕。提提大家需要3天前預訂生日蛋糕,詳情>按此<

6. 帝景酒店 免費雙人自助餐

帝景酒店亦由即日起至2020年3月31日推出生日限定優惠,入住海景套房的人客可免費獲得雙人自助早餐、雙人自助晚餐、生日蛋糕及葡萄氣酒,房價每晚$1680起。優惠詳情>按此<
7. 六國酒店 免費自助晚餐

六國酒店Le Menu西餐廳推出生日優惠,凡連同當月生日壽星在內有8人惠顧自助晚餐,當月生日壽星可以享有免費優惠,更可以獲得餐酒一支。優惠詳情>按此<

8. 醉翁亭推生日半價優惠 無限時任食火鍋

位於觀塘的醉翁亭分店再度推出晚市火鍋生日優惠,壽星們只要同5個朋友或以上惠顧,即可免費任飲任食海鮮火鍋,好抵!若同行朋友當中多於一位生日者,另一位生日者亦獲半價優惠。不過,生日優惠不適用於馬鞍山分店,優惠詳情>按此<

9. 迪士尼推港人生日優惠 送免費門票/自助餐/優先入場證

香港居民只需預訂香港迪士尼三間酒店的指定房間優惠或套票,於生日正日或生日月份入住,即享額外生日禮遇,當中包括壽星免費樂園門票一張、同行親友門票85折優惠、免費自助早餐等等,詳情>按此<

10. 海洋公園推港人生日優惠 生日免費入場

生日壽星只需於海洋公園票務部出示香港身份證明文件或香港出生證明書,便可於生日當天日間免費遊覽海洋公園。於2019年1月1日至12月31日期間,生日遊客於到訪海洋公園當天,憑本園之「香港人生日免費門票」,可享9折購買「智紛全年入場證」。

11. 金光飛航 2人同行生日優惠

金光飛航推出生日優惠!10月份生日的港人可以優惠價購買生日當月往來澳門的指定航線船票,壽星及一位同行者可以$259優惠價購買標準艙來回套票,或$469優惠價購買頭等艙來回套票。每次最多可購買兩套來回優惠船票。金光飛航生日優惠條款可>按此<查看。
12. 昂坪360 港人生日當日免費搭

如果想於生日當日遠離市區,走到郊外,可以考慮到昂坪搭搭纜車!適逢暑假,昂坪將推出一系列文青工作坊及即將開幕的打卡展,啱晒鍾意影相的文青!只要於生日當天出示香港身分證,即可免費乘坐昂坪纜車標準車廂來回一次。不過提提大家,優惠只可於昂坪360東涌或昂坪纜車站售票處換領門票。生日優惠條款>按此<查看。

資料及圖片來源:香港半島酒店城景國際酒店醉翁亭8度海逸酒店九龍海逸君綽酒店官網醉翁亭銀鑛灣渡假酒店官網帝景酒店六國酒店香港迪士尼海洋公園金光飛航昂坪360

活動資訊

  • 日期2019年11月1日 - 2019年11月30日
  • 地址 香港

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓