今次介紹ㄧ條比較簡單的路線比大家，雖然唔係正式郊遊徑，但係山徑路面大部分都係泥石路，路徑明顯，好適合ㄧ啲有行山經驗，但係行郊遊徑行到悶悶哋的山友。
路線：昂坪＞彌勒山郊遊徑＞彌勒山頂＞彌勒山郊遊徑＞昂坪。全程6公里，需時3小時。
注意事項:
~ 建議先下載行山地圖apps，避免迷路
~ 有少部份需穿越叢林，建議帶備手套
~ 愛護郊野清潔人人有責，自己垃圾自己帶走
首先在東涌坐23號巴士到昂坪總站落車，整理好裝備之後開始起步，經過大佛正面，旁邊有條石屎路ㄧ直行，大約ㄧ公里之後就到達法門古道入口，响旁邊沿石級直上，進入彌勒山郊遊徑直上，首段大部分都是石級路，再轉入山徑，呢ㄧ段就泥石路為主，好快上到小山坡，有ㄧ座類似巨型測量儀嘅物體，呢度比較開掦，背向鳯凰山，周圍仲有ㄧ嚿嚿巨石,可以作為打卡用途。
原文刊載自小牛牛快樂行山郊遊相集by Chan Keung Facebook專頁，本篇圖文獲作者小牛牛快樂行山郊遊相集by Chan Keung授權刊登，未經許可，請勿轉載。
活動資訊
- 地址 大嶼山彌勒山
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
