免費登記入場～打卡必去！體驗香港創意力量 + 傳統工藝設計！

DesignInspire是一個以推動本地創意實力及國際創新作品的展覽，涵蓋建築、室內設計、數碼、空間，城市設計和傳統文化等，仲有結合AR/VR、光雕投影和3D打印等的創新科技體驗！今年主題為「共創可持續都市」，從環境保育、企業持續發展、文化傳承三方面出發，而「香港創意力量」展區更展出一系列來自不同機構的本地設計師作品。

退役招牌第二人生@街招

五光十色的香港招牌，係唔少人心中最具代表性嘅香港街景之一。隨著時代發展，唔少招牌相繼退役，今次Streetsign「街招」就展出數個甚具代表性的退役招牌，為佢哋賦予第二人生！

平時招牌高高掛，想認真細看其字體書法、用色設計等有點難度，今次終於有機會！當然要把握機會同1比1嘅巨型招牌合照啦，例如曾充斥香港街道的押舖的「押」字招牌，極具代表性，仲可以認識吓呢段文化歷史！

膠得可愛！思「塑」生活習慣@&dear

Upcycling是未來環保大趨勢，唔少被外界視作「廢料」的東西，其實都可變成藝術，升級改造！藝術團體&dear希望透過不同類型的作品、活動，分享動物保育的訊息，提升大眾關注。

今次展覽，另一打卡熱點便是這兩條斧頭鯊魚《雙雙》，用咗1,874個回收膠樽、3,258個樽蓋和93個紅酒木箱組成，意指人類與海洋生物的「共生」關係，希望大家反思自己的日常生活習慣。

必影！招牌LED燈@『一「物」相承』不眠遊樂場

「香港創意力量」展區中，重點推介的當然是『一「物」相承』，展出一班本地年青設計師作品，令一些日漸式微、失傳嘅傳統工藝再生、傳承下去！「不眠遊樂場」的設計師羅一鳴，就以LED燈和鍍光物料，拼出一個如像「花燈」的多面發光作品，映照著的，是數十個經典招牌，重現出繀燦奪目的香港美景！熱愛打卡嘅你，記得不要錯過！

港產執字粒方塊@『一「物」相承』東西活字方塊塔

喺6、70年代，電腦排版流行之前，香港「執字粒」行業非常鼎盛，可惜近年傳統工藝漸漸式微。二人設計師組合「東西建築」就將傳統中文字元「執字粒」的概念和基本元素抽出來，加入英文字母的元素，再利用電腦切割，將字粒層層疊起，造出靚到好似裝飾嘅「執字粒」方塊塔，表面看似抽象，但只要運用想像力，就會見到中、英文字嘅不同組合！！快啲嚟挑戰自己嘅創造力，執番你個名出來，打卡po上網啦！

你都想入場親身睇呢啲創意設計？即上http://bit.ly/36I3QWf登記啦，免費的！

INFO

DesignInspire

日期：12月5日至7日

開放時間：9:30am-7pm（12月7日至6:30pm）

地點：香港會議展覽中心（展覽廳3DE）

網址：designinspire.com.hk

注：入場登記時間，由展覽開放前的30分鐘至關閉前的30分鐘。

資料由客戶提供