【聖誕好去處2019】柏靈頓熊聖誕嘉年華登陸將軍澳中心 3大影相位/夢幻咖啡杯
今個聖誕來自英國的Paddington柏靈頓熊將會於12月3日至2020年1月1日在將軍澳中心同大家見面，將軍澳中心將會變身成柏靈頓熊聖誕嘉年華，現場有多個以柏靈頓熊聖誕節主題影相位，包括聖誕火車、轉轉咖啡杯等等。現場有Paddington巨型樹屋展示多款柏靈頓熊的珍貴展品添，各位粉絲們記得聖誕節去影吓相啦～
今個聖誕節來自英國的柏靈頓熊會來港同大家見面，將軍澳中心將變成柏靈頓熊主題的聖誕嘉年華，同大家開心過聖誕！
點擊圖片放大
現場有Paddington柏靈頓熊巨型樹屋，設計充滿聖誕氣氛！樹屋內展示多款柏靈頓熊的珍貴展品，包括出產自70年代第一代Gabrielle Designs、附有作者Michael Bond簽名的柏靈頓熊限量版公仔、1972年出自Eden Toy的13吋高公仔，30、40、60週年的柏靈頓熊公仔、1979-1981年出產的紀念版陶瓷碟、紀念郵票等，粉絲們記得唔好錯過。
除此之外，現場亦有Paddington柏靈頓熊轉轉咖啡杯同聖誕小火車，大家可以同熊仔齊齊影靚相。
除了有多個影相位外，現場亦設有柏靈頓熊遊戲室，玩完仲會獲得精美貼紙添！
各位柏靈頓熊迷記得唔好錯過啦。
港生活人氣好去處
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
